La Bons Cafe (Closed)

今日同女朋友經過呢間餐廳, 覺得氣氛唔錯, 價位又唔貴, 決定一試。坐定定之後就叫左一個蒜片煙鴨絲辣椒天使麵同燒鯛魚餐, 另外叫左芝士焗蠔。先黎個餐湯同飽, 湯係青瓜忌廉湯, 都唔錯, 然後焗蠔上枱, 但我同女友都覺得麻麻地, 我果隻仲有少少沙… 緊接主菜上場, 個人主觀以為辣椒天使麵會spicy d, 但原來辣椒只係得少少, 只係有係輕輕既蒜味, 但係都算唔錯, 而另外既燒鯛魚既面應該有一層沙律醬, 食落冇咁油膩, 但魚本身就唔係咁突出, 而由於我地食完都好飽, 結果就冇試呢度出名既心太軟。其實餐廳氣氛都算唔錯, 但由於枱比較近, 好多時隔離枱大聲少少都會好"入咪'"(我地就不幸地坐左0向個大聲又長氣既女仕隔離), 所以你話二人世界的話就唔太理想, 但收得呢個價位要求都唔可以太多, 食物水準如果以呢次計就只係合格, 但灣仔晚餐想氣氛好少少又唔太貴既話, 呢間都係一個好選擇。