Video
Read full review
2022-09-13
148 views
呢排返公司成日見到有個女同事食poke bowl，睇落好豐富但又好似好健康咁，我又跟風試下🤣 Poke Bowl中文係美式魚生蓋飯，意思係將一口大小嘅魚生同蔬菜放喺飯上面，再用醬料撈嚟食，比起日式嘅魚生飯會多啲唔同味道嘅醬料，飯底亦都可以自由配搭糙米飯或者蔬菜，比食白飯更加健康！和風組合Classic Combo $89 (追加半份魚生+$18)🥗呢個和風組合係預設咗嘅set，入面本身已經包咗三文魚同埋吞拿魚，但由於同事超級鍾意食吞拿魚，佢竟然再追加半份煙熏油辣味吞拿魚🤣🤣 佢3款魚生都係唔同醬料，加埋下面綠色嘅豆做配菜，成碗都色彩繽紛睇見都想食😍D.I.Y自選$90 (追加半份魚生+$18, 套餐+$25)🥗餐牌上真係花多眼亂，有10幾款已經係佢拼好咗嘅，但因為我想make sure啊每樣嘢都係我想食嘅配搭，我就揀咗自選餐，可以自選魚生，配菜，以及個base😋 魚生我揀咗辣味三文魚，香草芥末大蝦，追加半分蒜油八爪魚，每樣都好新鮮而且撈埋啲將好惹味😎 配菜就揀咗蛋黃組合，入面有青瓜同埋菠蘿，用蛋黃醬撈埋幾清新。至於個base我揀咗最邪惡嘅撈烏冬，烏冬係稻庭烏冬，所以非常煙靭有咬口，係高
呢排返公司成日見到有個女同事食poke bowl，睇落好豐富但又好似好健康咁，我又跟風試下🤣 Poke Bowl中文係美式魚生蓋飯，意思係將一口大小嘅魚生同蔬菜放喺飯上面，再用醬料撈嚟食，比起日式嘅魚生飯會多啲唔同味道嘅醬料，飯底亦都可以自由配搭糙米飯或者蔬菜，比食白飯更加健康！
和風組合Classic Combo $89 (追加半份魚生+$18)🥗
呢個和風組合係預設咗嘅set，入面本身已經包咗三文魚同埋吞拿魚，但由於同事超級鍾意食吞拿魚，佢竟然再追加半份煙熏油辣味吞拿魚🤣🤣 佢3款魚生都係唔同醬料，加埋下面綠色嘅豆做配菜，成碗都色彩繽紛睇見都想食😍
D.I.Y自選$90 (追加半份魚生+$18, 套餐+$25)🥗
餐牌上真係花多眼亂，有10幾款已經係佢拼好咗嘅，但因為我想make sure啊每樣嘢都係我想食嘅配搭，我就揀咗自選餐，可以自選魚生，配菜，以及個base😋 魚生我揀咗辣味三文魚，香草芥末大蝦，追加半分蒜油八爪魚，每樣都好新鮮而且撈埋啲將好惹味😎 配菜就揀咗蛋黃組合，入面有青瓜同埋菠蘿，用蛋黃醬撈埋幾清新。至於個base我揀咗最邪惡嘅撈烏冬，烏冬係稻庭烏冬，所以非常煙靭有咬口，係高質嘅撈烏冬👍🏼
套餐可以加$25 ，包左溫泉蛋，昆布湯同埋甜品，溫泉蛋用嚟撈埋個烏冬，係好正嘅配搭😌 甜品我哋今次有朱古力泡芙，雖然外賣拎到返去已經淋左，但入邊嘅朱古力醬都好好食，唔會太甜😀
今次我同同事都係叫左撈烏冬，份量非常足夠食到飽飽，下次有機會要試埋佢哋嘅糙米飯，應該咁先至可以真正做到減肥嘅效果🤣🤣🤣
Post
