滿屋定食

Open Now

Now Closed

行過幾次，之前以為係日式定食，因中午時段長期爆場，連行過睇下餐牌都唔想，之後上openrice望望，原來係食泰國菜。終於有機會一試。建議12點左右食晏會好d，12點半之後9成要等位。午餐紅咖喱牛腩賣相正常，問朋友仔好唔好食，話味道正常，好mild唔辣，有椰汁味帶甜。豬扒雞扒意粉正正常常，好茶記feel，因為全院滿坐，都等左一陣先到，賣相ok，個茄醬又唔hea，份量滿瀉，扒又煎得幾好。巨無霸定食登場海南雞飯＋冬蔭公湯底肉丸河＋3樣小食，海南雞冇隔離果間咁滑，冬蔭公湯底都幾好味，小食種類配搭多（我揀左炸帶子，雞亦，冬蔭公湯細碗/比朋友試下），＋$6又有泰式冰類飲品，記得記得記得.......好重要講3次，食得晒先好嗌呢個，真係堅大份。午餐性價比好高既餐廳，但我覺得隔離餐廳味道好食d，但就細份小小，不過呢邊就組合多＋有巨人定食。多個選擇/良性競爭都係好事。希望兩間都做得更好。