Video
Read full review
2016-10-16
573 views
同屈小姐係城門水塘玩左半日，餓啦，專登搭車入屯門去食夏麵館，就係為左嫩雞煨麵…仲記得賴生細個時(都仲未遇到屈小姐)，去過夏麵館食過佢既嫩雞煨麵，印象中係幾好味既，所以膽粗粗話要帶屈小姐黎食!我地之前用72折買左團購，限左下午茶或者夜晚8:30後用。諗住下午茶平啲可以試多幾款，就plan好今日尼用左佢啦！其實屈小姐都偏愛上海菜既，佢都鍾意食小籠包呀，鍋貼呀，等等等等既上海野，所以佢對上海野係有要求嫁!間野係幾好坐既，一坐底就奉埋茶，杯茶仲幾好飲添! 但入到去先知用團購係淨係可以叫正價野不過無所謂啦，一場尼到就試下啦！當我地打開個menu睇到油菜既價錢時，頓時覺得呢間都偏貴喔!一碟油菜要38蚊，唔抵食，所以我地兩個菜果最後都係無叫到!諗左一輪，我地叫左5樣野1) 嫩雞煨麵 (3.5星)- 麵質彈牙兼具滑!- 雞肉粒同菜都好多- 個湯都清甜既，但係唔夠熱…而且做唔到將d雞味逼入個湯同d麵度…印象中，比賴生細個食既係差左…2) 蒸鮮肉小籠包 (2星)- 一隻好既小籠包，要皮薄，餡靚，多汁，夠熱，但佢…- 重大死症 : 唔夠熱- 個包皮底果度都算中中庭庭既，但頂果度呢，就超厚…食完有飽感- 入面
仲記得賴生細個時(都仲未遇到屈小姐)，去過夏麵館食過佢既嫩雞煨麵，印象中係幾好味既，所以膽粗粗話要帶屈小姐黎食!我地之前用72折買左團購，限左下午茶或者夜晚8:30後用。諗住下午茶平啲可以試多幾款，就plan好今日尼用左佢啦！
其實屈小姐都偏愛上海菜既，佢都鍾意食小籠包呀，鍋貼呀，等等等等既上海野，所以佢對上海野係有要求嫁!
間野係幾好坐既，一坐底就奉埋茶，杯茶仲幾好飲添! 但入到去先知用團購係淨係可以叫正價野不過無所謂啦，一場尼到就試下啦！當我地打開個menu睇到油菜既價錢時，頓時覺得呢間都偏貴喔!一碟油菜要38蚊，唔抵食，所以我地兩個菜果最後都係無叫到!
諗左一輪，我地叫左5樣野
1) 嫩雞煨麵 (3.5星)
- 麵質彈牙兼具滑!
- 雞肉粒同菜都好多
- 個湯都清甜既，但係唔夠熱…而且做唔到將d雞味逼入個湯同d麵度…印象中，比賴生細個食既係差左…
2) 蒸鮮肉小籠包 (2星)
- 一隻好既小籠包，要皮薄，餡靚，多汁，夠熱，但佢…
- 重大死症 : 唔夠熱
- 個包皮底果度都算中中庭庭既，但頂果度呢，就超厚…食完有飽感
- 入面既湯汁，唔係好夠鮮味，而且唔夠多..
- 唔點醋食完全唔好食…
3) 蒸銀絲卷 (3星)
- 一條好既銀絲卷，要帶微甜，軟熟，內部可以一絲絲就撕出黎既
- 呢度個銀絲卷做到微甜啦!
- 但部分外皮太硬，導致內部可以撕出一絲絲既位唔多，只有少量一絲絲既效果
4) 鍋貼 (2星)
- 唯一可取之處係: 底煎得好脆同夠熱
- 太細隻，鍋貼大隻d先好食，佢細到同灣仔碼頭既餃子差唔多
- 油得濟+皮太厚食一隻就飽飽地
- 餡呢，就冇乜汁
5) 哆唻咪 (4.5星)
- 如果要我地食多次呢間野，呢個就係唯一既理由!
- 佢用左生拆蟹肉+蟹粉炒個羮出黎，蟹粉加埋蟹肉既鮮味，好鮮!加上河蝦仁去炒，超彈牙!呢個配搭好ok!
- 要特別讚既，係佢配左碟醋比你，初時我地冇加到，怕佢會遮晒個蟹鮮味，但原來唔係既，加左去仲正，入口會先有少少醋酸味，再黎蟹鮮既衝擊! 令蟹鮮味更出! 好似d醋清洗一洗你味蕾，等你可以品嚐到更鮮既味道!
- 點解係4.5星呢! 因為佢有一粒仔蟹殼拆漏左，差d整到屈小姐
不過實在有d貴…CP值唔夠我諗我地都好少會再去!
#勞動過後要食好西
#皇帝脷練成中
哆唻咪
$98
107 views
0 likes
0 comments
窩貼
25 views
0 likes
0 comments
Post
