Golem Craft Beer (Closed)

石門，對我尼個九龍人黎講係一個好陌生嘅地方，今日入來探朋友，原來大圍站轉馬鐡過來只係十分鐘左右，非常方便石門站C出口一出，一大片空地好開揚，九龍區好難見到嘅境象，真係有海闊天空，大地在我腳下嘅感覺，朋友原來已到達，望住我尼個大鄉里，問我發什麼呆，去食野喇！轉彎就到餐廳門面又闊又大，我再一次驚呆店內又闊又大，樓底好高，空間感十足，大大個酒櫃，好有氣派啫仲好有氣氛，裝潢時尚，燈光暗暗的，好舒服由於當時已經三點幾，過左繁忙時段，我地包場似的，好威威揀左坐L型梳化位，傾計一流牌餐都grand過人，多款主食同小食任君選擇飲品方面有多款花茶選擇，適合愛美嘅女士另外多款手工啤酒🍻，列明酒精含量，男士可以盡情啤啤佢香濃鮮茄大蝦意粉，賣相吸引，香氣撲鼻，熱辣辣，汁又濃又鮮，十分惹味大大隻蝦🦐，鮮味旦牙，仲有魷魚🦑圈呢，非常足料意粉軟硬度剛好，火喉控制得不錯黑松露薯條🍟，薯條非常香脆，黃金色的，分量好足，兩個人食都非常足夠黑松露沙律🥗醬好香好美味，調教得好好洋甘菊花茶，非常清香，洋甘菊味令人非常relax，人都開心啲這店環境舒適，食物質素高，而且價錢合理，推薦大家來試試順便感受下石門區嘅清新寧靜丫