Video
Read full review
2020-04-11
154 views
今次就嚟到嚐仙試吓佢哋嘅黃金地瓜泥仙草奶凍。以佢嘅價錢來講份量就唔算好細，不過比起其他芋圓嘅舖頭（例如仙芋仙-價錢幾乎一樣）份量就真係爭啲。芋圓嘅份量都唔足10粒，有一半嘅份量都係冰。不過味道都幾好，地瓜泥味道好平衡，好幼滑，食得出本身地瓜嘅味道唔會太過甜。仙草嘅味道亦都幾好，好滑好香，可以同喺台灣食到嘅味道差唔多。紅豆嘅味道就偏甜，而且唔係好食到粒粒分明嘅感覺，可能煮過龍。芋圓嘅味道就真係爭啲，芋頭同埋地瓜嘅味道唔係好出，而且食唔到佢嘅香味。芋圓都好彈牙口感幾好，烹調嘅時間亦都掌握得好好。甜品側邊會配上奶油，客人就可以自己選擇落定唔落，非常之好。奶油有少少甜嘅味道，所以如果唔係太喜歡食太甜嘅人就未必鍾意，因為糖水個底已經偏甜。不過落咗奶油嘅感覺真係唔同啲，味道非常濃郁，可以更加帶出仙草嘅味道令到甜品有一個好creamy嘅感覺。夜晚嘅人流都係偏多所以都需要等候，而且佢座位唔多可能熱鬧嘅時間就要等得耐啲。鋪面非常之窄所以座位都擺得比較狹窄少少。佢個冷氣開得非常之凍，所以如果叫熱食嘅客人要留意番可能會好快凍。總括嚟講第一次嚟嘅體驗都算幾好，甜品嘅味道可以接受，不過芋圓的份量同埋味道就真係有
不過味道都幾好，地瓜泥味道好平衡，好幼滑，食得出本身地瓜嘅味道唔會太過甜。仙草嘅味道亦都幾好，好滑好香，可以同喺台灣食到嘅味道差唔多。紅豆嘅味道就偏甜，而且唔係好食到粒粒分明嘅感覺，可能煮過龍。
芋圓嘅味道就真係爭啲，芋頭同埋地瓜嘅味道唔係好出，而且食唔到佢嘅香味。芋圓都好彈牙口感幾好，烹調嘅時間亦都掌握得好好。
甜品側邊會配上奶油，客人就可以自己選擇落定唔落，非常之好。奶油有少少甜嘅味道，所以如果唔係太喜歡食太甜嘅人就未必鍾意，因為糖水個底已經偏甜。不過落咗奶油嘅感覺真係唔同啲，味道非常濃郁，可以更加帶出仙草嘅味道令到甜品有一個好creamy嘅感覺。
夜晚嘅人流都係偏多所以都需要等候，而且佢座位唔多可能熱鬧嘅時間就要等得耐啲。鋪面非常之窄所以座位都擺得比較狹窄少少。
佢個冷氣開得非常之凍，所以如果叫熱食嘅客人要留意番可能會好快凍。
總括嚟講第一次嚟嘅體驗都算幾好，甜品嘅味道可以接受，不過芋圓的份量同埋味道就真係有少少失望。如果再有機會嚟嘅話就會試吓佢嘅豆腐花同埋再食多次佢嘅仙草。
黃金地瓜泥仙草奶凍
$45
25 views
0 likes
0 comments
Post
