Another One (Closed)

以118蚊一個午餐黎講，唔算好貴又唔算平，始終位於尖沙咀區，覺得要有番咁上下質素先收貨。餐廳環境好別緻，唔係奢華裝修果種，但給人一種好舒適的感覺，顏色都以平實為主。水同水杯要自己去counter攞，落order都係自己去counter同比錢先，佢地會比個牌仔你返回自己座位等就可以了，之後會有人送餐去你座位。當日叫左兩個餐。新鮮沙律，香茅雞扒雙色撈檬，凍蜜桃茶，沙律好新鮮，好有越南風味，一食就覺得自己身處越南，香茅雞扒雙色撈檬就檬粉太少，4啖就無哂，唔覺得雙色在味道上有乜野分別，不過疏菜底勁多，撈埋一起加越南特色甜醋食，又真係覺得越南既感覺返哂黎。另一個餐，每日餐湯-磨菇湯，煙三文魚牛油果蛋牛角窩夫，唔係講少，估唔到餐湯磨菇湯超好味，呢個窩夫係我極力推介，三文魚、牛油果、窩夫係味道上係絕配，好鬼夾，有驚喜，會試下返屋企自己整。本來想試埋個人氣食物-流心芝士蝦多士，可惜已飽，不過隔離枱有order，望到個樣都知道一流，再次必定再光顧同試埋佢地既流心芝士蝦多士。