古朴年代咖啡．酒館 (Closed)

嗰日同老豆去古朴年代咖啡．酒館食lunch。一入到間餐廳已經比個室內設計surprise到，個設計時尚得黎又帶點復古風(特別係個灰色磚牆)，match到餐廳名又別具情調。我點左個帶子墨魚麵、小漢堡包同芒果綠茶。帶子墨魚麵麵質一般，同埋我略嫌佢既味道較淡。但係個帶子肉質新鮮，幫道菜加左唔少分。值得一提既係個小漢堡包餐。個餐要求你選擇3款食物做漢堡包既餡料，我就揀左三文魚、肉丸同水牛芝士。個包本身已經烘到好香脆，配合埋啲餡料(特別係三文魚同水牛芝士)，簡直係一流，非常好食！