Video
Read full review
2021-03-01
2227 views
觀塘工廈多嘢食就係人都知，我亦周不時會嚟覓食，但中伏令人失望嘅機率比其他地區高。今次朋友就喺網上搵到間新餐廳「Boon」，佢位處喺駿業里嘅工廈，幾近地鐵站👍。題外話，無聊事一則，呢幢工廈有一部迷一般嘅𨋢...。即使係工廈餐廳，環境裝修都算唔錯，行小清新風🌿，門口用上乾花作點綴，簡約不造作。我估計小店應該係租咗兩個鋪位，座位區同水吧設置喺同一邊，而廚房就喺另一度，咁就可以將兩邊分開，食客完全唔會受油煙影響😁。鰹魚熟成封門柳配紫菜薯蓉昆布牛油汁($168)，菜名相當長，但每樣食材確係呈現喺菜式入面！第一眼望見封門牛柳覺得肉質可能會有啲柴🥩，邊皮的確有些少韌，但幸好肉中間唔係，熟成度剛好，牛味濃郁亦夠多汁。不過最令我印象深刻係，牛扒當中真係食得出鰹魚汁嘅味道🐟，兩者夾埋毫無違和感，牛扒面頭仲有啲鰹魚乾添。薯蓉入面輕輕加咗啲紫菜碎，我估計牛油亦落得夠重手，所以口感超滑🥔。虎蝦海膽醬意粉($128)，呢碟意粉賣相唔錯，連殼虎蝦一枝獨秀🦐。虎蝦大大隻，夠新鮮彈牙，其實另外仲有幾隻蝦㗎。配料固然重要，不過意粉本身更加係靈魂。🍝意粉煮得好好食，麵質彈牙，而且較幼身，睇相都已經睇得出非常掛汁呢。醬汁用上
觀塘工廈多嘢食就係人都知，我亦周不時會嚟覓食，但中伏令人失望嘅機率比其他地區高。今次朋友就喺網上搵到間新餐廳「Boon」，佢位處喺駿業里嘅工廈，幾近地鐵站👍。題外話，無聊事一則，呢幢工廈有一部迷一般嘅𨋢...。
即使係工廈餐廳，環境裝修都算唔錯，行小清新風🌿，門口用上乾花作點綴，簡約不造作。
我估計小店應該係租咗兩個鋪位，座位區同水吧設置喺同一邊，而廚房就喺另一度，咁就可以將兩邊分開，食客完全唔會受油煙影響😁。
鰹魚熟成封門柳配紫菜薯蓉昆布牛油汁
$168
55 views
0 likes
0 comments
鰹魚熟成封門柳配紫菜薯蓉昆布牛油汁($168)，菜名相當長，但每樣食材確係呈現喺菜式入面！第一眼望見封門牛柳覺得肉質可能會有啲柴🥩，邊皮的確有些少韌，但幸好肉中間唔係，熟成度剛好，牛味濃郁亦夠多汁。不過最令我印象深刻係，牛扒當中真係食得出鰹魚汁嘅味道🐟，兩者夾埋毫無違和感，牛扒面頭仲有啲鰹魚乾添。薯蓉入面輕輕加咗啲紫菜碎，我估計牛油亦落得夠重手，所以口感超滑🥔。
虎蝦海膽醬意粉
$128
29 views
0 likes
0 comments
虎蝦海膽醬意粉($128)，呢碟意粉賣相唔錯，連殼虎蝦一枝獨秀🦐。虎蝦大大隻，夠新鮮彈牙，其實另外仲有幾隻蝦㗎。配料固然重要，不過意粉本身更加係靈魂。🍝意粉煮得好好食，麵質彈牙，而且較幼身，睇相都已經睇得出非常掛汁呢。醬汁用上海膽醬，老實講我覺得似普通忌廉汁多啲，但無問題，最緊要好味嘛。
法式甜薄餅配意式Gelato($98)，Crepe有三款口味揀，包括士多啤梨、焦糖蘋果同我哋揀選嘅香蕉朱古力🍌🍫。法式薄餅喺香港幾受歡迎，唔少地方都有得食。呢塊薄餅大致上係一摺，比起出面食到嘅脆身。香蕉上面有焦糖層，好味道。另一邊廂，我估唔到球雲呢拿雪糕都幾正啵🍨！
雜莓乳酪沙冰
$58
21 views
0 likes
0 comments
總括嚟講，小店嘅出品終於打破我觀塘中伏嘅魔咒，我會稱佢為「別出心裁嘅工廈美食」。每道菜索價過百蚊，定價唔平，亦唔係以量取勝，但好在味道真係對得住個價，而且難得做到Fusion嘅效果😋，整體滿意啦～。
Post
