Video
Read full review
2024-02-23
358 views
一個好唔起眼嘅小店，但其實內有乾坤，日式居酒屋，裝潢就俾人好放鬆感覺，睇見店內牆上都有好多關於老闆嘅報導、拎獎。知道老闆鍾意去唔同地方學野，之後番黎再融入落菜式到，所以餐牌上有啲菜式都幾特別。🏮蟹籽溫泉蛋$22★★★★☆凍嘅日本溫泉蛋加上鋪面蟹籽，一啖全個「雪」落口到，有蟹籽口感之餘，一咬開個蛋汁爆開，好香蛋味，煮得剛好，正！🏮脆皮生炸BB乳鴿 $68★★★★★呢個應該都係鎮店之寶，睇牆面介紹呢個菜式拎過世界鴿王美食大賽金獎！即叫即炸，熱辣辣乳鴿唔好睇佢細細隻，食落厚實多肉，外皮炸到好脆。味道同一般乳鴿唔同，偏向甜味重啲。未食已經聞到香噴噴，咬落啖啖肉之餘唔會炸到乾爭爭，仲係好JUICY，果然係必食菜式！🏮鐵板五花腩 $158★★★★☆呢個有韓式菜感覺，兩大舊厚身五花腩有厚厚拉絲芝士，勁邪惡！五花腩肥瘦均勻比例，厚身超有肉感。但食落唔會超膩，最緊要配埋啲洋蔥絲，酸酸地，更有口感！🏮生煎蝦餃子 $68★★★★☆呢個餃子係自家包嘅餃子，比較特別係入面係蝦，食落好似中式點心蝦餃咁，外皮煎到好香脆，點埋沙律醬，中日FUISON感覺，幾清新。🏮雞肉軟骨棒 $48★★★★☆雖然小店，只有一個廚師，
一個好唔起眼嘅小店，但其實內有乾坤，日式居酒屋，裝潢就俾人好放鬆感覺，睇見店內牆上都有好多關於老闆嘅報導、拎獎。知道老闆鍾意去唔同地方學野，之後番黎再融入落菜式到，所以餐牌上有啲菜式都幾特別。
🏮蟹籽溫泉蛋$22★★★★☆
凍嘅日本溫泉蛋加上鋪面蟹籽，一啖全個「雪」落口到，有蟹籽口感之餘，一咬開個蛋汁爆開，好香蛋味，煮得剛好，正！
🏮脆皮生炸BB乳鴿 $68★★★★★
呢個應該都係鎮店之寶，睇牆面介紹呢個菜式拎過世界鴿王美食大賽金獎！即叫即炸，熱辣辣乳鴿唔好睇佢細細隻，食落厚實多肉，外皮炸到好脆。味道同一般乳鴿唔同，偏向甜味重啲。未食已經聞到香噴噴，咬落啖啖肉之餘唔會炸到乾爭爭，仲係好JUICY，果然係必食菜式！
🏮鐵板五花腩 $158★★★★☆
呢個有韓式菜感覺，兩大舊厚身五花腩有厚厚拉絲芝士，勁邪惡！五花腩肥瘦均勻比例，厚身超有肉感。但食落唔會超膩，最緊要配埋啲洋蔥絲，酸酸地，更有口感！
🏮生煎蝦餃子 $68★★★★☆
呢個餃子係自家包嘅餃子，比較特別係入面係蝦，食落好似中式點心蝦餃咁，外皮煎到好香脆，點埋沙律醬，中日FUISON感覺，幾清新。
🏮雞肉軟骨棒 $48★★★★☆
雖然小店，只有一個廚師，但每碟擺盆精緻，睇得出有心機！雞肉軟骨棒已經醃好味道，有啲類似大阪燒醬汁係表面，撈埋個日本生雞蛋，食落個口感更滑身，但又有少少軟骨咬下，幾特別。個人鍾意再點埋啲碟邊嘅辣粉，更加惹味！
🏮燒三文魚鰭 $48★★★★☆
雖然細細舊唔算好多肉，但燒完個油香感出哂黎，外脆內嫩，絕對係餸酒小食！
🏮野菌黑松露燴飯 $108米飯好濃郁松露香味，偏向奶味重少少。有好幾款菇粒，食落更有口感。份量都多，加上比較CREAMY濃稠啲，絕對夠2個人食。
🌟總結：有心嘅小店，菜式幾特別，價錢唔貴，特別推薦脆皮生炸BB乳鴿！本身只做晚市6點先開鋪，店員提起26號開始會有埋午市，主打自家製雞湯飯，無味精及色素！下次經開都一定試下
Post
