功德林上海素食 (世貿中心) (Closed)

上星期日, 我地幾老表一齊做個孝順孫, 帶婆婆出去食晏~ 見婆婆平時成日求神拜佛, 家琦表妹就提議去食齋~ 家明表哥最近中左六合彩, 於是我地就屈佢請客, 仲要食豪d! 最後我地就去左銅鑼灣世貿中心間功德林喇~我地經過一輪商議, 拍板叫左素菜包, 上海小籠包, 上海炒年糕, 雞絲粉皮同七色冷麵~素菜包: 一食落去就覺得個包好熱辣辣, 包皮好軟熟, 而且餡料份量十足, d菜同菇都好香, 好味!!!上海小籠包:真係估唔到~原來齋的小籠包都可以真正小籠包的味道! 包皮又唔算厚~婆婆食完都話”ho ho jack”~上海炒年糕:炒年糕唔油膩, 就算婆婆食左都唔會唔健康, 而且d醬汁好香~濃郁得黎又唔會太咸~雞絲粉皮:麻醬真係好香, 一上檯就聞到~雞絲又足,d粉皮好薄!! 家琦表妹最鍾意食麻醬, 雞絲粉皮係佢的至愛~七色冷麵.好得意~一碟冷麵有7種醬料~甜酸咸辣味都齊曬~麻醬, 醋同豉油最受歡迎~撈完真係好香~正!!