博多拉麵別天神 (Closed)

別天神拉麵分店終於開到旺角,門口係自助落單機,買完飛交比店員就可以。我就叫咗一份別天神套餐小龍蝦蟹子沙律,用紫菜包住小龍蝦蟹子醬食,口感好清新,非常好味。豚骨湯拉麵都做得幾出色,湯底唔會好喊,拉麵軟硬適中,配有糖心蛋,豚肉,木耳同蔥我老婆就叫左蝦味噌豚骨拉麵。湯底比較濃郁,櫻花蝦香味非常突出。配有糖心蛋,櫻花蝦,豚肉,粟米,蔥。差唔多食完拉麵,餃子先上,可能煎既時間較耐。表面煎得非常香脆，餃子內仲可以充滿肉汁,好有水準。