Video
Read full review
2022-11-16
1711 views
4個人去到soho區食覓食，其中一人話記得去過一間刨冰店附近嘅餐廳酒吧，果度環境氣氛都好正，啱晒一班人齊齊傾吓計。去到餐廳，感覺好一般啫，唔明點解朋友會推介之際，侍應帶我地上左餐廳二樓，原來呢度別有洞天。地下係熱鬧嘅酒吧，但上到二樓突然間覺得好文清嘅Cafe。餐牌嘅食物前菜、沙律、小食、甜品、飲品等，各樣都有齊，每款小小咁，併湊成一本都幾吸引嘅menu。主菜我地只係點左扒同魚，小食就叫得最多包括薯條、魷魚圈、蘇格蘭蛋；仲叫左個牛油果沙律， 甜品呢，就叫左個檸檬伯爵茶配雲呢拿雪糕。Main cause點嘅炸甘鯛魚配橙甜茴香沙律($238) 同埋澳洲草飼肉眼扒($268)，兩款完全唔同口感，但係味道同樣一流。朋友話炸甘鯛魚製法似立鱗燒，表皮金黃脆卜卜，而魚肉仍保持到鮮嫩，呢個炸魚真係勁好食；而沙律配上黑醋調味，健康又美味。牛扒大大件，燒得唔錯，有肉汁、有嚼勁。小食之中嘅🍟薯條會配埋松露醬同茄汁上台($78)，薯條粗身，幾有薯香。個人覺得松露醬較一般，但個茄汁就好香，酸甜度好平衡。而朋友就鍾意用薯條點埋跟🦑炸魷魚圈($85)一齊上台嘅醬汁嚟食，呢個醬汁有少少川菜嘅麻辣味🌶，點嘢食的確係醒神又
餐牌嘅食物前菜、沙律、小食、甜品、飲品等，各樣都有齊，每款小小咁，併湊成一本都幾吸引嘅menu。
主菜我地只係點左扒同魚，小食就叫得最多包括薯條、魷魚圈、蘇格蘭蛋；仲叫左個牛油果沙律， 甜品呢，就叫左個檸檬伯爵茶配雲呢拿雪糕。
Main cause點嘅炸甘鯛魚配橙甜茴香沙律($238) 同埋澳洲草飼肉眼扒($268)，兩款完全唔同口感，但係味道同樣一流。朋友話炸甘鯛魚製法似立鱗燒，表皮金黃脆卜卜，而魚肉仍保持到鮮嫩，呢個炸魚真係勁好食；而沙律配上黑醋調味，健康又美味。
炸甘鯛魚配橙甜茴香沙律
$238
60 views
0 likes
0 comments
牛扒大大件，燒得唔錯，有肉汁、有嚼勁。
小食之中嘅🍟薯條會配埋松露醬同茄汁上台($78)，薯條粗身，幾有薯香。個人覺得松露醬較一般，但個茄汁就好香，酸甜度好平衡。而朋友就鍾意用薯條點埋跟🦑炸魷魚圈($85)一齊上台嘅醬汁嚟食，呢個醬汁有少少川菜嘅麻辣味🌶，點嘢食的確係醒神又惹味。
蘇格蘭蛋($88)係全枱激讚嘅食物，溏心蛋用調好味嘅肉碎包住，再沾上麵包糠炸香。麵包糠同肉碎造成嘅外層，炸得非常酥脆 、香口，而蛋黃黏黏的，味道超有層次。
牛油果沙律($148)可選配不同肉類，我地揀左配蟹肉，沙律非常鮮味，super food牛油果嘅果香非常濃郁，配上蟹肉嘅鮮甜一齊食，確係唔錯嘅配搭。
最後上埋甜品檸檬伯爵茶配雲呢拿雪糕($138)，個雪糕最好食，伯爵茶係果醬般另上，可以按自己口味配搭而食。
飲品選擇好多，啤酒、Cocktail 、Mocktail 、果茶、咖啡等一應俱全，朋友選嘅Royal Chocolate ($48)賣相可愛，濃濃嘅朱古力香。Peach tea($45)玻璃樽上，有唔少果肉。而Cocktail Jardin des Plantes($95)極fresh嘅紅蘿蔔味，容易入口。
整體感覺，雖然係酒吧餐廳，但二樓這個位置分隔開酒吧嘅喧鬧，能靜靜地與知己、情人暢談，環境勁舒服；食物亦有驚喜位，唔錯。
Post
