The Story Cafe and Bakery

Open Now

Now Closed

星期六我大女又一次結業禮（真係唔明白點解依家嘅幼稚園點解會有咁多次畢業/結業禮），送左個大女返幼稚園準備好，同老公二人就到青衣城食個早餐先再去表演場地。我地本身打算食下粥咁，但老公話覺得天氣好熱食粥會好辛苦，所以就一路行下睇下有咩啱食。行下行下見到需要重新裝修嘅東海重開，仲cut左部分出黎開左一間叫the story嘅西餐廳，眼見幾得意就決定試下。門口放住一個櫃，入要有唔同嘅包款可供外賣或堂食，聞到好香包味，有法包，貝果同muffin 等。老公叫左烤雞扒炒蛋牛角包，估唔到又幾靚，炒蛋夠滑，烤雞扒肉質夠滑同多肉汁，但當然都係雪雞扒啦，個汁係平時係快餐店食到嘅汁，我都食唔出係咩汁黎。牛角包好鬆軟，皮亦夠酥，牛油味夠重。佢仲有幾片沙律菜配芝麻沙律醬。我叫左個煙三文魚牛角包，牛角包一樣夠牛油味同好鬆軟，皮夠酥，入面有蕃茄，芝士同煙三文魚，煙三文魚只得一片唔夠喉，佢仲加埋配三文魚嘅酸豆（capers)，酸豆嘅咸酸配以有油香嘅三文魚就剛好。咖啡杯好可愛，但咖啡就唔多夠香啦。另外仲叫左個藍莓bagel 比細女食，但對細女黎講有點硬同乾，不過都有幾多藍莓係入面，幾香。但食落就唔多夠味啦。另外覺得有趣嘅