牧羊少年咖啡館 (白楊街)

Open Now

Now Closed

女朋友去咗進修讀咖啡，接完佢放學同佢食下午茶，既然佢咁上進咁就搵個文青感覺啲嘅地方，佢鍾意咖啡又鍾意咁呢度應該啱佢以前嚟過食過宵夜叫大食拼盤，轉左餐牌唔知食乜好，咁就叫個台式滷水都係乜都有啲就啱。拼盤入邊有啲乜就一眼睇晒，味道亦都係所見所得，唔會話有乜嘢驚喜，但亦都不過不失，唔會話太鹹嘅。不過呢度環境幾舒服，同女朋友傾吓計都唔錯。其實喺呢度食嘢都係食環境，食得簡簡單單，坐得舒舒服服傾吓計咁樣嘅啫。如果想食啲驚喜手工菜，呢度應該未必係咁適合。