Video
Read full review
2024-06-12
336 views
今日行開新都會，見鮮芋仙冇人，就第一時間想試吓！原本心情好好嘅。。。因為我今日去shopping，所以左一袋右一袋，見店內冇人就想坐咗入去擺低啲嘢先，再諗吓食乜咁啦！點知行到坐位前就俾個店員截住咗，話要點咗餐先好入嚟，我見店內冇人，問一個去點得唔得，佢就話：唔得，要點咗先可以入座。無語！但如果規矩係咁冇都辦法。點知，點完餐坐低後，見到4-5個外國人走入嚟坐低，店員冇截人之外，仲好好服務咁俾個餐牌佢哋慢慢睇。咦？咪即係差別對待囉！講返食物質素，今次點咗佢嘅招牌 --- 布丁Q麻糬牛奶冰。一上枱只見一座冰山。兩個人絕對食唔晒！座冰山係冬瓜茶味（個人覺得），上面有奶茶布丁＋雲妮嗱雪糕＋勁多珍珠，再淋上花奶，焦糖漿。口感豐富，味道討好。味道方面，刨冰本身唔算好甜，冰粒都幾粗吓，個人鍾意綿綿冰多啲。而珍珠QQ彈彈，奶茶布丁茶味濃郁，互相配合得幾好。雲妮嗱雪糕屬平價貨，非常一般。兩個人奮力食咗差不多30分鐘先食晒，食完凍到打冷震🥶，建議叫返杯薑母熱飲舒緩一下。另外，我哋又叫咗一杯芋圓冬瓜茶。味道清爽，甜度偏甜。芋圓細細粒，好有咬口。可惜我哋唔係叫熱飲，食完刨冰真係雪上加霜。🥶
因為我今日去shopping，所以左一袋右一袋，見店內冇人就想坐咗入去擺低啲嘢先，再諗吓食乜咁啦！點知行到坐位前就俾個店員截住咗，話要點咗餐先好入嚟，我見店內冇人，問一個去點得唔得，佢就話：唔得，要點咗先可以入座。無語！但如果規矩係咁冇都辦法。點知，點完餐坐低後，見到4-5個外國人走入嚟坐低，店員冇截人之外，仲好好服務咁俾個餐牌佢哋慢慢睇。咦？咪即係差別對待囉！
講返食物質素，今次點咗佢嘅招牌 --- 布丁Q麻糬牛奶冰。一上枱只見一座冰山。兩個人絕對食唔晒！座冰山係冬瓜茶味（個人覺得），上面有奶茶布丁＋雲妮嗱雪糕＋勁多珍珠，再淋上花奶，焦糖漿。口感豐富，味道討好。
味道方面，刨冰本身唔算好甜，冰粒都幾粗吓，個人鍾意綿綿冰多啲。而珍珠QQ彈彈，奶茶布丁茶味濃郁，互相配合得幾好。雲妮嗱雪糕屬平價貨，非常一般。兩個人奮力食咗差不多30分鐘先食晒，食完凍到打冷震🥶，建議叫返杯薑母熱飲舒緩一下。
另外，我哋又叫咗一杯芋圓冬瓜茶。味道清爽，甜度偏甜。芋圓細細粒，好有咬口。可惜我哋唔係叫熱飲，食完刨冰真係雪上加霜。🥶
Post
