Video
Read full review
2024-09-21
1754 views
Crepe Delicious📍灣仔皇后大道東200號利東街地下G26及F26A號舖星期四放工，喺港島返工嘅中學同學專程過嚟搵我食晚飯，喺我公司附近嘅利東街打卡之後，我哋隨便搵咗一間有得食甜品嘅餐廳，坐低傾吓偈，食吓嘢。好彩我哋去得早，因為我哋無事前預約，坐低大概半個鐘內上下層都已經滿座，遲一步都無得食！我其實一直都有留意呢間餐廳，因為我朋友好鍾意食crepe，不過因為未夾到時間，所以今次就等我同中學同學試吓好唔好食先，之後再帶佢嚟食！ 💰$138慢烤手撕豬肉可麗餅 🐖佢揀咗signature嘅鹹crepe，內餡係慢烤手撕豬肉、紅蔥、燈籠椒絲同Mozzarella Cheese，味道其實同Pizza餡料有幾分相似。我幾鍾意佢嘅醬汁，味道濃郁，十分惹味，crepe皮厚薄恰好，即使有大量芝士都唔會覺得太肥膩！ 💰$328法式焗波士頓龍蝦 🦞中學同學出名愛食海鮮同牛排，但因為我唔食牛嘅原故，所以揀咗焗龍蝦做main。呢隻波士頓龍蝦大隻、肉厚，以法式方法烤焗，能鎖住肉汁，亦更能將龍蝦香氣帶出。以燈籠椒粒、蘑菇粒加上Parmesan、Mozzarella同Cheddar Cheese調味，焗完仲
📍灣仔皇后大道東200號利東街地下G26及F26A號舖
星期四放工，喺港島返工嘅中學同學專程過嚟搵我食晚飯，喺我公司附近嘅利東街打卡之後，我哋隨便搵咗一間有得食甜品嘅餐廳，坐低傾吓偈，食吓嘢。好彩我哋去得早，因為我哋無事前預約，坐低大概半個鐘內上下層都已經滿座，遲一步都無得食！
我其實一直都有留意呢間餐廳，因為我朋友好鍾意食crepe，不過因為未夾到時間，所以今次就等我同中學同學試吓好唔好食先，之後再帶佢嚟食！
[價錢 Price]
💰$138
慢烤手撕豬肉可麗餅 🐖
佢揀咗signature嘅鹹crepe，內餡係慢烤手撕豬肉、紅蔥、燈籠椒絲同Mozzarella Cheese，味道其實同Pizza餡料有幾分相似。我幾鍾意佢嘅醬汁，味道濃郁，十分惹味，crepe皮厚薄恰好，即使有大量芝士都唔會覺得太肥膩！
[價錢 Price]
💰$328
法式焗波士頓龍蝦 🦞
中學同學出名愛食海鮮同牛排，但因為我唔食牛嘅原故，所以揀咗焗龍蝦做main。呢隻波士頓龍蝦大隻、肉厚，以法式方法烤焗，能鎖住肉汁，亦更能將龍蝦香氣帶出。以燈籠椒粒、蘑菇粒加上Parmesan、Mozzarella同Cheddar Cheese調味，焗完仲多咗幾分芝士嘅香味，拌入蒜香意粉內食，更加滋味！
[價錢 Price]
💰$108
紅豆抹茶忌廉可麗餅 🫘🍵
我相反點名要食甜嘅crepe，所以呢款口味由我話事。店員介紹時，特別highlight一個重點，只有「with gelato」嘅甜品名先配有一球gelato！考慮到佢好鍾意食麻糬，我自己又鍾意抹茶口味，所以我揀咗紅豆抹茶忌廉crepe，配hazelnut gelato！
淨係賣相已經好靚仔，四粒mochi整齊排好，裏裏外外都唧有抹茶cream同混入粒粒大紅豆，crepe皮亦帶有抹茶香味，整體甜度適中，加上乳脂較低嘅gelato，食落格外清爽。
Crepe Delicious出品嘅gelato嚴選意大利直接入口嘅食材，日日新鮮製造，比一般配方嘅雪糕更低卡、更健康，而且單點一球要$38，所以我會建議大家揀有gelato嘅crepe，感覺性價比更高！
[價錢 Price]
💰$38
升級套餐 🍽️
晚市提供以優惠價$38Upgrade Set Menu，可以選擇湯或小食，再配送hot / iced tea，計落都幾抵食。因為佢唔鍾意食沙律同牛油果，所以我哋無揀到香烤雞肉蔬菜沙律同牛油果醬藜麥多士，而係揀咗辣味香草炸魷魚圈，跟凍檸茶。
辣味香草炸魷魚圈 🦑
一份有炸魷魚圈五件，伴有少量沙律，賣相好醒神。金金黃黃嘅麵衣包裹住爽口嘅魷魚，灑上香草點綴，大人細路都實會爭住食。
Post
