利小館 (Closed)

週六, 行完書展, 兩點幾開始肚餓, 記得雜誌介紹過利苑新開餐, 立即前往無訂位, 原本以為要等好耐, 點知十分鐘就有位, 甚好小弟及太座, 兩個肚餓人, 叫咗 (睇返都有啲驚.....) :1. 蓮耦鱆魚煲豬展 x2 (是日例湯)2. 點心 - 蝦餃, 蘿蔔絲酥餅, 小籠包, 芋盒3. 椒鹽九肚魚4. 雞絲炒麵5. 甜品 - 棗皇糕湯不俗, 無味精, 分量足, 其實一碗都夠兩人用, 唔使叫兩份相信各位最關心都係點心質素, 四款點心小弟都曾經係旺角利苑品嚐, 味道與利苑相去不遠, 水準可謂得以保持九肚魚乃太座於Element 利苑食過, 建議小弟試試, 恭敬不如從命, 真係唔錯, 香脆, 無腥味, 細細粒一啖食到雞絲炒麵, 入口不覺油膩, 麵條亦無"痴"埋一舊, 好食棗皇糕為太座到利苑必然之選, 味道依舊倘若口痕痕, 忽然想食利苑點心, 利小館都算不錯選擇, 食物質素可比利苑, 不過小弟兩條友埋單都要三百幾, 如果再多一兩個人, 其實可以去利苑.......我估價錢差唔多利小館環境就唔算太逼, 不過上菜真係快到, 張枱都唔夠擺, 而且點心涼得較快, 各位一次唔好叫咁多