Video
Read full review
2011-10-27
177 views
全香港有多不勝數嘅日式餐廳，而原野係值得獲讚賞嘅其中之一間。佢嘅位置係喺深水埗站同石硤尾站中間，不過距離兩個站都唔係好遠，唔算難搵。我同我嘅另一半大概6:30p.m.就去到，見到佢棟咗個牌寫住3:30p.m.-6:30p.m.休息，唔知係星期一至五先會係咁還是日日都係呢？我地諗咗一陣之後就點咗二人餐A($128)，食物包括青瓜蟹籽沙律(或者可以揀蟹籽沙律/韓風魷魚鬚)、三文魚刺身1/4膀、燒豬頸肉一串、燒蘿蔔糕兩件、燒軟骨餃子四隻、任選八件壽司同一份精美果物；另外仲叫咗一碟椒鹽豆腐($17)。佢好似只係得3個人經營，招呼客人、冷盤同廚房各一人，所以上菜嘅速度唔快，食呢餐都用咗差唔多個半鐘，但係因為食物嘅質量好，我唔介意等得比較耐一啲。首先係上長方形嘅燒軟骨餃子，有白醋另上。每次咬落去嘅時候裏面嘅肉汁都會流出嚟，餃子皮雖然薄，不過係脆嘅，燒得剛剛好；差唔多食完餃子就嚟咗青瓜蟹籽沙律，呢樣野聽落比較普通，但係新鮮嘅青瓜絲加上粒粒細小嘅蟹籽同條條嘅蟹柳絲，最重要係沙律醬並唔濃，食完之後唔會覺得好濟，而且份量適中，可以話係平凡中嘅不平凡。緊隨其後係燒豬頸肉，即使係得一串五小件，每件都肥瘦各一半
佢嘅位置係喺深水埗站同石硤尾站中間，不過距離兩個站都唔係好遠，唔算難搵。我同我嘅另一半大概6:30p.m.就去到，見到佢棟咗個牌寫住3:30p.m.-6:30p.m.休息，唔知係星期一至五先會係咁還是日日都係呢？
我地諗咗一陣之後就點咗二人餐A($128)，食物包括青瓜蟹籽沙律(或者可以揀蟹籽沙律/韓風魷魚鬚)、三文魚刺身1/4膀、燒豬頸肉一串、燒蘿蔔糕兩件、燒軟骨餃子四隻、任選八件壽司同一份精美果物；另外仲叫咗一碟椒鹽豆腐($17)。佢好似只係得3個人經營，招呼客人、冷盤同廚房各一人，所以上菜嘅速度唔快，食呢餐都用咗差唔多個半鐘，但係因為食物嘅質量好，我唔介意等得比較耐一啲。
首先係上長方形嘅燒軟骨餃子，有白醋另上。每次咬落去嘅時候裏面嘅肉汁都會流出嚟，餃子皮雖然薄，不過係脆嘅，燒得剛剛好；差唔多食完餃子就嚟咗青瓜蟹籽沙律，呢樣野聽落比較普通，但係新鮮嘅青瓜絲加上粒粒細小嘅蟹籽同條條嘅蟹柳絲，最重要係沙律醬並唔濃，食完之後唔會覺得好濟，而且份量適中，可以話係平凡中嘅不平凡。緊隨其後係燒豬頸肉，即使係得一串五小件，每件都肥瘦各一半，味道又啱啱好，唔會太肥膩，不愧係向來推介嘅熱門美食。
第四樣係燒蘿蔔糕，縱使我覺得佢係喺八款食物中比較平平無奇嘅一樣，因為燒同煎嘅分別唔係好大，而且可能食慣咗全統多餡嘅中國蘿蔔糕，不過佢唔係燒得好燶，好夠蘿蔔味，份量比平時飲茶食嘅細大概1/4，所以仍然都可以接受；跟住就係我嘅另一半最鍾意食嘅三文魚刺身，佢賣相十分有心思，十幾片薄切圍住一個由幾片較厚切砌成嘅小旋渦，相當吸引，雖然每一片都唔算大塊，但係每片都好肥美，都有三文魚嘅鮮味，可以話係入口即融，所以係另一樣必點嘅美食。
食完刺身就嚟壽司喇，我地叫咗四款每人兩件，有甜蝦，炸帶子，鰻魚同煙三文魚沙律，甜蝦嘅賣相最特別，炸帶子食落仲係熱熱哋，而鰻魚同煙三文魚沙律相比之下就普通啲。雖然四款都唔係咩獨特嘅口味，但師父嘅熱誠同耐性去整每一件壽司令我覺得佢地更好味！後叫嘅椒腐豆腐等咗一陣就有得食，都係有配白醋嘅。縱使豆腐嘅size係豆卜咁，椒鹽味完全滲入每粒豆腐，而每粒豆腐都好似豆腐花咁滑，相比一般食到嘅炸豆腐加胡椒同鹽係截然不同，唔太鹹亦唔太肥膩，係另一款推介嘅食物。
最後就係精美果物，我地原本以為係一碟排得整整齊齊有兩三種生果嘅飯後甜品，但真係估唔到嘅係師父精心炮製咗一個好普通嘅橙，佢將呢個橙切成類似一件藝術品，單係個構圖就已經攞咗滿分，橙肉又甜，仲有兩個份量剛剛好又唔會甜到漏嘅士多啤梨泡芙，留下咗幾乎完美嘅回憶。
總結一句，雖然佢位於街市平台，隔離店鋪多數係大牌檔，但係環境同衛生比預期好，服務態度比起其他好多餐廳還要好，所以我一定會繼續去食，而且下次要影番幾張相留念。呢間原野係值得獲好評，絕對不妨一試。
Post