愛 . 添 (Closed)

如果一大班人食甜品，我一定會推薦呢間愛添，本來唔清楚佢係一間甜品舖，但睇過佢嘅餐牌發現呢度有好多唔同款式嘅糖水，望落去都幾吸引。由於睇到心大心細，問咗個店員，佢話呢度最出名最多人叫嘅係炙燒焦糖布蕾日式梳芙厘班戟，Oreo起司蛋糕巧克力流心日式梳芙厘班戟，果然佢哋冇介紹錯，梳芙厘班戟竟然唔似其他甜品舖，要等好耐先焗好，等候時間比我想像中短，兩個都配上一款雪糕，海鹽雪糕賣相好吸引，帶點淺藍色有點像Tiffany Blue，不過略為有點咸過頭，好似將成舊鹽擺進口中。但是那個焦糖布蕾日式梳芙厘班戟，真的好像法式焦糖燉蛋，香滑幼細，奶打得好香！食落去有種莫名其妙的感動，配上雪糕真的甜到入心入肺。另外Oreo起司蛋糕巧克力流心日式梳芙厘班戟又是一個傑作，太美味了，賣相吸引加上流心效果，吃下去綿綿的，配上豆腐雪糕，更是畫龍點睛。