PNE Food

Open Now

Now Closed

呢個新年食咗好多餐盆菜，今次開工飯，叫左呢間到會，我哋叫左任選15款套餐，性價比高又好味，好驚喜。😋柚子蜜桃吞拿魚酥:呢個小食賣相好靚😍外皮酥脆，帶有柚子同同蜜桃既新鮮甜味。吞拿魚既鮮嫩同果香的搭配好fresh，係好開胃嘅餐前小食。水蜜桃、菠蘿、鮮茄焗西班牙豬鞍扒飯:水蜜桃同菠蘿既清甜同鮮茄的酸味配搭起嚟酸酸甜甜，加上西班牙豬鞍扒肉質鮮嫩，啲飯粒吸收哂肉汁同水果既精華，令人想一食再食。瑤柱絲蟹肉靈芝菇炒飯:瑤柱同蟹肉既搭配，令個炒飯好高貴😍靈芝菇加添左獨特的香氣，個炒飯粒粒分明，食落有口感又美味。雙重芝士蛋黃煙肉卡邦尼意大利麵:個意大利粉芝士夠香濃，煙肉既鹹香同芝士旧味好配合，意粉彈牙既口感同濃郁的醬汁，令人食唔停口。