博派麵館 (Closed)

今晚來到荃灣，行過以變形金剛為主題的博派麵館，因為晚飯時間，入去試試，鋪面唔係好大，有十幾個座位，好多裝飾都係變形金剛的公仔。雖然食物選擇不算很多，不過見餐牌上表明湯底是煲足八小時，女侍應解釋湯底分魚湯、骨湯，魚湯煲二小時，骨湯煲八小時，而魚湯配海鮮，骨湯配肉類。我們點了一個魚咀魚鰾湯粉絲($68)，和一個蝦腐綾魚餅湯粉絲($68)。魚咀魚鰾湯粉絲，魚咀和魚鰾都很新鮮，沒有鯹味，只有魚的鮮味，至於魚湯㡳，又沒有薑和胡椒味，就好香魚味。蝦腐綾魚餅湯粉絲，蝦膠溝落蛋白而成，蝦腐好似魚腐咁淋身，蝦味豐富，綾魚餅煎過，仲加咗些煙肉係𥚃面，再好味些。脆炸珍珠奶茶($32)，外皮炸得好脆，如果唔點鍊奶仲食到奶茶味，呢個可以當飯後甜品。涼拌雞翼尖($26)，用炸過蒜粒伴上，都算可以。芝士薯蓉燒蕃茄($26)，蕃茄包住薯蓉，好似番茄薯仔湯的另一板本，不過都幾好味。店內有一特辣辣椒油，真係一滴已經好辣，我用來點蝦腐，就覺得頭頂，有股熱流衝上去，原來係用魔鬼椒秘製而成，雖然辣不過好香，唔會死辣，建議大家試少少😋😋😋😋，仲可以買走。