至尊重慶雞煲 (Closed)

之前聽同事講呢度嘅雞煲放題抵食，於是同阿妹去試下。因為阿妹唔食得辣，於是叫咗豬肚雞煲。等雞煲期間出去攞小食。小食種類頗多，由生果到冷盤同熱食都有，差不多清盤嘅時候亦會有補充，呢點好過好多其他食放題嘅地方。等到雞煲上場，一個雞煲竟然有5,6塊雞頸，部分豬肚仲有腥味，結果我地決定用湯底打邊爐算。火窩料又係不外乎肥牛, 豬肉片, 丸同菜之類，但出奇地有花膠及不定時出現的即包水餃。放題包飲品任飲及一人一客自選甜品，我地三個人一人揀一款甜品，味道一般，但以此價錢又有雞煲，又有放題，算抵食啦。