八屋 (Closed)

今日去咗食呢間餐廳，食完之後出到嚟嘅感想係，我呢世人都未食過咁難食嘅嘢。自問自己都係一個垃圾嘴，食咩都冇乜所謂，但今次真係難食到好誇張。我嗌咗一個拿玻里風情意粉，所謂嘅拿玻里風情就係罐頭茄汁同埋腸仔，食落去嘅味道喺微波爐攞出嚟嘅意粉，另外同行嘅女朋友嗌咗個鰻魚意粉，佢食嘅第一啖已經比啲骨哽到，我哋兩個食完之後都互相望咗一眼，知道中咗伏。嘢食難食都算啦，買單兩個意粉加一杯咖啡，加埋要$300幾就嚟$400，第一次覺得寧願食美心都好過食呢間嘢，依家嘅我食完好空虛，好難受。