老友記到會餐盒專門店

Open Now

Now Closed

公司受邀請到HSBC的MPF講座，當天同老闆一齊去到HSBC中環總行，聽完講座後，有些小食等給現場人士享用，初時以為到會都係普普通通，凍冰冰唔會好食，但看過食物之後即刻收返剛才的想法。食物方面款式都甚多，有冷盤，熱薰，甜品等。還有專人排開一杯杯的紅白酒及飲品，十分專業。冷盤方面有壽司、煙三文魚及火腿等，壽司味道正正常常，而煙三文魚就是我至愛，有淡淡煙燻香味。熱薰才是重點，有十多款，分別有芝士焗扇貝、蝦餅及炸雞、牛肝菌長通粉、燒牛小排、豬仔骨等等，不似一般到會一盤盤送到後就走人，這裏安排了幾個侍應好似BUFFET形式，全部有用熱爐去暖著食物，所以食落去熱辣辣，唔會凍冰冰，味道方面絕對有驚喜，牛小排拍得住外面酒店級數，肉嫩且香，炸雞保持到脆口不腍，牛肝菌通粉菌香十足，十分足料。最後唔少得就係甜品，有五至六款，外觀精緻而且又不會太甜。整體食物質素不俗，感覺上好似去食個小型BUFFET，麻雀雖小，但五臟俱全，最後我都問佢攞左張卡片，下次公司叫到會都可以一試。