阿里山 (逸酒店) (Closed)

最近路過見到成行成市嘅古早味蛋糕店，都會特意買來試下，來到呢間阿里山蛋糕店，老闆好熱情咁介紹佢地嘅各款蛋糕同製作過程，得知佢地每樣材料都係細心挑選過先運用，麵粉係美國進口，糖係選用韓國砂糖，雞蛋係試過用好多唔同地方嘅，最後先揀出依家用緊呢款雞蛋，而且製作過程都好注重衛生，連每一隻雞蛋都會係打前洗乾淨！每個蛋糕都係以200度焗80分鐘，出爐嘅時候會用竹籤檢查係咪完全熟透，所以每件蛋糕嘅水準都有保證！來到嘅時候剛好遇上芝麻蛋糕新鮮出爐，每到出爐都會敲響個鐘同大叫出爐，好有儀式感！我本身不太偏好芝麻味，所以選左其他味道，老闆就推介日本蜂蜜柚子味同原味蛋糕面鋪滿蜂蜜柚子皮粒，酸甜之中帶點苦澀，幾清新，而內裡嘅蛋糕非常綿密鬆軟！想嚐到「古早味」就當然要試下原味啦，原味蛋糕好香，雞蛋味道好突出，口味適中，不會過甜。除左材料嘅選用好嚴格外，味道好食外，呢間店連細節位都好注重，裝蛋糕嘅紙盒係用大豆油墨印製，對人體無害，而膠袋係選用可以分解嘅物料製造，好環保，咁有心思嘅店舖真係值得支持！