真鮨 (Closed)

星期日跟朋友行街散心，但要先醫肚，才有氣力玩樂，今次朋友話要食呢間新開不久的日本餐廳。門前已經被綠草牆身吸引著，圓波吊燈很溫暖人心，沿着樓梯行上有更多座位。餐具優雅美觀，感覺令人很舒服，燈光亮麗鮮明，影相一定靚。在十多款午市套餐之中，我地揀了兩款刺身丼，都有三小碟小吃及飲品半價優惠。小吃有中華沙律、螺肉及八爪魚，味道較濃，全都爽口開胃。由於套餐較抵食，飲品也半價，意大利芝士餅特飲$14，大大杯有好濃雲尼拿味，帶點奶香，甜美可口。我的芥膽三盛丼$162，有三款材料經成，有芥末八爪魚、吞拿魚蓉及海膽，而且十分足料。其中的芥末八爪魚更有驚喜，相當刺激爽口，芥末強勁的氣勢直沖口鼻，以為捱不過時，又很快回神平復到味蕾的衝擊。 海膽的顏色睇落好新鮮，雖然不算甜，但味道濃郁豐腴香綿，令人回味，而且一點也不澀。吞拿魚蓉伴飯一流，加點芥末及醬油，令人食不停口，魚味濃郁油潤，吃過齒頰留香。味玉也非常入味，半熟的蛋黃很濃厚甘香，正好把各材料味道融合一起。米飯經調味，微酸煙韌有咬口，看似很少量，但原來都很飽，份量充足，價錢相宜，服務體貼殷勤，值得再來。