Mamaday Studio (Closed)

Mamaday 就食過幾次啦，呢間Mamaday Studio 行cafe 路線，提供飲品、蛋糕、Bagel，主要俾你休閒坐下傾吓計Hea下！呢日等朋友食晚飯，仲有兩三個鐘頭，決定喺附近搵個地方坐下Hea一陣。由個門面開始我就已經好鍾意☺️超級有特色😍每一字一句、每張相、每個擺設都落過心思，有啲仲諷刺人生，十分之鬼馬！😆喺地下買完嘢食飲品之後等一陣就好快整好，然後自己行樓梯拎上去，上面都有幾張枱，而且露台位都幾Chill，好正！🔸豆腐豆腐咖啡☕️普通咖啡就飲得多，豆腐味嘅咖啡你又試過未？呢杯咖啡係凍飲，除咗咖啡係主角之外，就如其名，一開始都覺得好搞笑個名點解有兩個豆腐，原來杯底下面真係有好滑既豆腐，上面仲有一球豆腐雪糕，所以有兩個豆腐😂豆腐味雪糕十分之濃郁，質地好Creamy！雖然係咁都冇掩蓋濃郁嘅咖啡味，而且飲落好有層次感，絕對值得一試！杯咖啡都好大杯！🔸是日Homemade Special 焦糖海鹽芝士蛋糕🍰本身想試吓個貝殼蛋糕，點知今日冇😢唔緊要啦原來呢個焦糖海鹽芝士蛋糕都幾好食😋食落鹹鹹地配上面頭一粒粒嘅焦糖，芝士蛋糕質地比較實淨，芝士味濃郁，不過食落又唔會好溜，底下面仲有啲Ore