妖怪 (Closed)

今日嚟到中環搵朋友食飯，佢提議去呢間叫做妖怪嘅餐廳，話呢度嘅魚生丼好出色。我叫咗個油甘魚深海池魚丼，果然有驚喜，魚脂豐富，肉質鮮甜。尤其係燈光下，見到魚肉纖維幼細😍 啲飯就粒粒分明，黏度同軟硬度適中，食得出係上乘嘅正宗日本珍珠米，食到好滿足🥰👍🏻朋友就叫咗個松葉蟹肉甜蝦丼，面頭滿佈蟹肉，鋪到見唔到飯！蟹肉鮮甜多汁，帶有少少海水嘅鹹而且一啲都唔乾身👏🏻🤩 甜蝦有成隻食指咁長咁大隻，帶有濃厚芳香嘅蝦味，入口甘甜又彈牙👍🏻👍🏻 呢度嘅刺身水準非常高，環境闊落且望到中環高樓景🌃 座位寬敞又舒服，侍應態度友善，絕對值得我回頭嘅餐廳💯