賀喜 (雲疊花園商場) (Closed)

有事要去大圍一趟，朋友介紹我嚟呢間日式小店食飯，雖然地方有啲偏僻，但都不枉此行🤤刺身方面，點咗日本池魚 $158、油甘魚 (半份) $45、日本帶子 $52、活赤貝 $60，一上枱時，友人同我都嚇一跳，個池魚真係好吸睛👀 而且仲有個醬汁係專for池魚點嘅，入面有薑蓉，同池魚超搭！各款刺身都好新鮮，其中我特別鍾意活赤貝，好爽口、鮮甜！我同友人各叫咗個軟殼蟹牛油果手卷 各$30 軟殼蟹酥脆，牛油果夠熟夠淋🥑 可惜紫菜有啲淋淋哋，扣少少分。食完手卷，頭先嘅池魚又返嚟探我哋了，不過已經面目全非，被人炸咗😂 炸完嘅口感好正，好似小老闆😂😂 松葉蟹膏蟹肉炒飯 $138 蟹味出，亦都好足料，每啖都食到蟹嘅味道，幾正👍🏻田樂燒茄子 $78 呢個我都係第一次食，評論唔到夠唔夠地道，上網翻查咗資料，田樂醬大致係由蛋黃、味增、糖製成，食落對我嚟講都幾濃味吓，建議不重口味嘅朋友諗過先叫😂燒河豚乾 $48 呢個係我同友人都幾鍾意食嘅燒物，好有咬口，食吓又一條，食吓又一條🤤需加一服務費，埋單2人約$700。如果你鍾意睇我嘅食評，不妨關注我，支持吓我，謝謝你☺️💕