御品千の味刺身壽司專門店 (海寶花園) (Closed)

今日晚餐🥣想嚟個輕食，諗左好耐完全無頭緒食咩好。咁岩就比我見到千之味🍣。咁就買啲刺身🐟🦐返去當晚餐食啦。千の人氣刺身拼盤B（12件）$178，刺身包括三文魚🐟2件，赤蝦🦐2件，劍魚腩🐟2件。北寄貝4件，鮑魚2件。另外我點左藍鰭吞拿魚赤身刺身🐟3件$68，同埋點左個蟹子沙律🦀🥗$35。三文魚🐟肉質細嫩鮮味。赤蝦🦐味道清甜，口感軟糯。劍魚腩🐟肉質柔軟脂肪多，鮮甜而不膩。北寄貝甘甜、肉質肥美及爽脆。鮑魚味道新鮮甜美，而且值得一讚洗得好乾淨。藍鰭吞拿魚赤身刺身🐟，肉質較實，有咬口，魚味重。蟹子沙律粒粒蟹子分明，非常新鮮爽口， 配搭青瓜絲同蟹柳絲，非常適合夏天食。整體性價比超高。😋😋