Video
Read full review
2010-07-29
10 views
好有驚喜既放題呀! 聽朋友講過話呢間好食, 決定黎試試! 三日前打去 book 台, 已經得番 bar 台位, 好彩去到既時候, 有人 no show, 可以轉番坐大台! 食完先發覺, 一張大既台, 係好重要!佢既放題分火鍋, 刺身/壽司, 鐵板燒三款 menu, 兩個人只可以揀兩款, 三個人或以上就可以揀哂! 我轉登湊夠三個人, 食哂! hohoho! 首先每人會送一款限定前菜, 我去呢日有三款揀, 汁燒鮑魚, 牡丹蝦, 海膽燒蝦, 我地三個人各一款 ~ 汁燒鮑魚 - 揀左鮑魚個 fd 話個汁好味, 只係隻鮑魚有少少"un", 都幾大隻既 ~海膽燒蝦 - 係半隻開邊大蝦面頭鋪滿海膽再燒(其實似焗), 另一個 fd 就話好正好正, 仲話好想加錢要多一客, 最後冇咁做因為我地勸佢留肚 ~牡丹蝦 - 我揀既! 個頭係比平時既牡丹蝦大, 鍾意食蝦頭既人會好開心, 個身就正常牡丹蝦 size, 非常新鮮!!!!刺身拼盤 - 大概記得有三文魚, Tuna, 池魚, 油甘魚, 劍魚腩, 赤貝, 帶子, 甜蝦, 魷魚, 唔係樣樣都鍾意食, 所以剔除左池魚, 赤貝同魷魚 ~ 刺身全部都厚切, 三文同
佢既放題分火鍋, 刺身/壽司, 鐵板燒三款 menu, 兩個人只可以揀兩款, 三個人或以上就可以揀哂! 我轉登湊夠三個人, 食哂! hohoho!
首先每人會送一款限定前菜, 我去呢日有三款揀, 汁燒鮑魚, 牡丹蝦, 海膽燒蝦, 我地三個人各一款 ~
汁燒鮑魚 - 揀左鮑魚個 fd 話個汁好味, 只係隻鮑魚有少少"un", 都幾大隻既 ~
海膽燒蝦 - 係半隻開邊大蝦面頭鋪滿海膽再燒(其實似焗), 另一個 fd 就話好正好正, 仲話好想加錢要多一客, 最後冇咁做因為我地勸佢留肚 ~
牡丹蝦 - 我揀既! 個頭係比平時既牡丹蝦大, 鍾意食蝦頭既人會好開心, 個身就正常牡丹蝦 size, 非常新鮮!!!!
刺身拼盤 - 大概記得有三文魚, Tuna, 池魚, 油甘魚, 劍魚腩, 赤貝, 帶子, 甜蝦, 魷魚, 唔係樣樣都鍾意食, 所以剔除左池魚, 赤貝同魷魚 ~ 刺身全部都厚切, 三文同 tuna 都係近腩部夠肥, 非常突出既係甜蝦! 超大隻! 細過我隻牡丹蝦少少咋喎!! 帶子都好得! 夠大隻而且好甜! 劍魚腩亦都唔係咁常見, 一 D 都冇令我失望好肥美!!
海膽小手卷 - 因為海膽冇得點刺身, 只有手卷, 好彩唔係好大份, 真係"小"手卷, 大過一件壽司少少啦, 海膽質素正常! 我個女仔 fd 啪左 4-5 個 ...
牛肉厚燒, 薄燒 - 兩樣都好味, encore 時候好難選擇
茄子田樂 - 呢個好失敗, 完全唔係茄子田樂!
燒銀雪魚 - 睇食評好多人讚, 但係我果晚果客銀雪魚真係好普通咋喎, <<一門>>果個燒銀雪魚好味過佢多多聲!
牛舌 - ok
燒粟米 - ok
燒蝦 - 爽口彈牙 good!
火鍋 - 清湯底, 出奇地好味
美國牛/日本牛 - 黎到其實唔知邊碟打邊碟, 兩碟差唔多, 唔係超靚既牛肉, 不過放題黎講好 ok!
粟米, 支竹, 大白菜, 福袋 - 正常野
日本年糕 - 奇怪既年糕, 淥左一陣, 菜都未淋佢已經溶到變槳糊痴底!!! 真係日本年糕!??
白蘿蔔 - 夏天都竟然有咁嫩咁甜既蘿蔔!!!
Reminders:
*** weekend 係平過 weekday 架!
Post