木槇料理 (Closed)

老闆今日 last day, 雖然好唔捨得佢，但係因為平時老闆實在對我地太好，而佢又鍾意食日本野，所以我哋決定請佢食呢個超正 lunch其實係灣仔試過唔同嘅日式餐廳lunch，發覺呢間都係數一數二好食，今次決定食好啲，選擇最貴嗰個 lunch set前菜沙律分量唔算少，沙律算新鮮，不錯平時食日式lunch通常食完刺身飯之後就會食唔落個烏冬，但係呢一個烏冬不能放棄，所以要食咗先，烏冬好有咬口，湯底唔咸，正（純粹個人對烏冬嘅喜好）蒸蛋好滑好香蛋味，分量唔算多，所以都唔會食到個人好飽食唔到其他野主菜嚟喇，一放上枱就俾佢嚇一下，因為冇諗過份量咁多，刺身蝦好爽好新鮮，另外個海膽亦都算大份，好新鮮一啲苦味都冇，好鮮甜，另外我特別想講嘅係魚子，魚子係特別大粒而且亦都好新鮮，因為佢每一粒都好實，唔淋，結果每一件刺身壽司都好滿足，好正，但如果你唔係太肚餓，真係未必會食得晒