極尚大喜屋

Open Now

Now Closed

朋友慶祝生日，我哋揀咗大家都讚好嘅極尚大喜屋。呢度嘅食物款式超多，幾乎諗到嘅都有得食。我哋一到就急不及待嗌咗一大碟刺身同蟹腳，包括三文魚、池魚、油甘魚、帶子、鮑魚、赤貝、北寄貝，仲有超大隻嘅甜蝦同赤蝦。刺身切得厚厚地，新鮮又甜美；蟹腳肉多又鮮，朋友食得好開心，最後仲要咗多一碟！熟食方面都好出色，燒乳鴿外皮香脆肉質嫩滑，調味啱啱好。粉絲蒸扇貝撒滿乾蒜，味道濃郁吸引。川味焗蠔同蜜椒薯仔牛柳粒都係必試之選，特別係黑松露忌廉汁拌香煎虎蝦，超大隻，擺盤靚仔，真係高級享受。仲有避風塘瀨尿蝦，蝦殼都好惹味，一食成癮。甜品方面，榴槤三重奏絕對值得期待，冰凍榴槤蓉配熱辣辣薄餅，冰火交融，味道一流。自助區嘅雪糕同飲品都自取，仲發現有章魚小丸子、日式炸餃子等，真係意想不到嘅驚喜。酒水選擇亦多元化，無論係清酒、梅酒、啤酒定紅酒，愛酒之人定必滿意。總括來講，大喜屋嘅每樣食物都令人印象深刻，絕對係一個唔會令人失望嘅選擇。