天池日式放題 (Closed)

已經好耐冇食過放題了，今次係答應了仔仔先來，因佢完成左我比佢的要求。仔仔和我本身都係超愛食日本野，特別刺身和壽司，以前仔仔細我唔會比佢食生野，但現在開始大了，佢食過刺身後就愛上。今次同佢來天池我們叫了很多刺身和壽司，珍寶阿根廷赤蝦超新鮮和大隻我們食左好多，三文魚，甜蝦，帆立貝都好甜。呢到有個海膽甜筒，好得意估唔到咁配搭都幾好味。壽司都做得唔錯一口一件，最欣賞黑松露帶子壽司，入口好香黑松露，花之戀都包得好靚。天婦羅的炸醬唔錯唔會太厚， 香蒜牛柳粒好多肉汁。其他炸物都唔錯特別愛榴槤炸彈，甜甜的。食完咁熱氣的野，我和仔仔緊係唔會放過食雪糕的環節啦！仔仔食左榴槤雪條，而我就食左另外兩款雪糕，食完真係好滿足咁離開了。呢到枱分得幾開，食野時都可以好放心。