炉端金 (Closed)

同男朋友放學去左食放題！裝修比一般日式放題店華麗，一入到去感覺光鮮亮麗，仲有得坐卡位好舒服。飲品種類繁多，除左一般汽水、烏龍茶等等......連波子汽水同楊枝甘露都有竟然有清酒任飲當晚有蟹腳送呀！有男朋友幫我拆肉，蟹肉結實鮮甜。再來刺身拼盤！刺身類都分兩張紙，珍寶赤蝦同帶子最有驚喜，口感爽彈，鮮味十足其他刺身亦屬高質素，值得encore，原來部分係由日本築地直送。珍寶赤蝦真係jumbo sizewasabi唧成玫瑰花狀有我最愛的三文魚子軍艦壽司，脆卜卜好鮮甜。叫左海膽手卷，不過海膽份量好少炸物款式頗多，有d仲係第一次見！鍾意食蠔一定要點炸廣島蠔熱辣辣金黃香脆，蠔肉鮮嫩多汁。吉列麵包蝦係原隻大蝦，肉質結實，炸得好脆口唔油膩。串燒則相對遜色，調味略淡，印象比較深刻係燒菠蘿同香蔥豚肉串。加$20可以任食燒肉，豬、牛、雞肉任君選擇。推薦澳洲和牛、一口牛粒，滿佈油花，燒到外層焦脆，肉質軟滑，肉味都幾濃郁。已經食到頂住肚仔但都要食埋甜品，甜品係另一個胃架可以任食Häagen-Dazs雪糕同甜品櫃入面嘅大福、芝士蛋糕等甜品，真係飽到上心口！兩小時任飲任食，食物款式絕不是一般貨色，我覺得好抵食呀！