Video
Read full review
2016-05-15
788 views
難得準時收工，同事提議一齊出去食飯，因為呢幾個星期都好忙，晩晚OT，要對自己好啲；於是跟埋出去同佢地去搵食。橫衝直撞去咗尖沙咀嘅和歌山，無他嘅，因為啱啱滿足我地三個人嘅願望：一個想食日式料理、一個想要有酒飲嘅地方、一個想食特別啲。呢度有張長bar 枱，可以一邊品嚐美食一邊飲青酒。我地未點食物，同事等唔切order咗青酒，味道清純，容易入口。日本蘿蔔芝麻醬沙律（$68），蘿蔔清甜爽口，配上自家製芝麻醬，開胃醒神，切成粗條大增口感。三文魚他他拼柚子味噌（$108），賣相好靚，新鮮挪威三文魚，微燒再卷成卷狀；配上大蔥碎、四季紅和黑魚子。四季紅是可以食用的，味道甘香，配合柚子汁，感覺清新。刺身7點（$298），oh my God，呢個係我第一眼見到嘅反應，好靚，好新鮮，由底至上，淡味至濃味。來自北海道的帶子肥美嫩滑，北方四島甜蝦爽口彈牙，肥美三文魚係挪威新鮮空降，呑拿魚係藍鰭吞拿魚赤身位置，厚切油甘魚甘香回味，仲有兩款飛機貨嘅刺身，唔記得咗個名，係平時好少食到嘅新鮮刺身。海鮮茶碗湯（$98），海鮮湯清甜，加一兩滴青檸令鮮味提升。海鮮有蝦、蜆及帶子等，份量足；用小杯子喝湯也是第一次，可細味湯的味
橫衝直撞去咗尖沙咀嘅和歌山，無他嘅，因為啱啱滿足我地三個人嘅願望：一個想食日式料理、一個想要有酒飲嘅地方、一個想食特別啲。
呢度有張長bar 枱，可以一邊品嚐美食一邊飲青酒。我地未點食物，同事等唔切order咗青酒，味道清純，容易入口。
日本蘿蔔芝麻醬沙律（$68），蘿蔔清甜爽口，配上自家製芝麻醬，開胃醒神，切成粗條大增口感。
三文魚他他拼柚子味噌（$108），賣相好靚，新鮮挪威三文魚，微燒再卷成卷狀；配上大蔥碎、四季紅和黑魚子。四季紅是可以食用的，味道甘香，配合柚子汁，感覺清新。
刺身7點（$298），oh my God，呢個係我第一眼見到嘅反應，好靚，好新鮮，由底至上，淡味至濃味。
來自北海道的帶子肥美嫩滑，北方四島甜蝦爽口彈牙，肥美三文魚係挪威新鮮空降，呑拿魚係藍鰭吞拿魚赤身位置，厚切油甘魚甘香回味，仲有兩款飛機貨嘅刺身，唔記得咗個名，係平時好少食到嘅新鮮刺身。
海鮮茶碗湯（$98），海鮮湯清甜，加一兩滴青檸令鮮味提升。海鮮有蝦、蜆及帶子等，份量足；用小杯子喝湯也是第一次，可細味湯的味道。
燒呑拿魚鮫（$498），好大塊呀，平時三文魚鮫食得多，第一次食呑拿魚鮫，皮脆多肉，肉質鮮美，可點醬油，我自己喜歡不點醬油，已經好好食。
店員仲幫我地切開細細件，好貼心。
蕃茄豬肉配鱈魚片（$128），本身以為鱈魚片係一塊塊的鱈魚，原來我自己誤會咗，係鱈魚片上配豬肉食。鱈魚片質感有啲似魷魚片，香甜唔會鯹，配炒肉碎，增加口感。
呢個餐好特別，好得意。Post
