馳走家 (德福廣場2期)

Open Now

Now Closed

早前發現德福新開呢間居酒屋，一直忘記去試，今日搵餐廳個陣終於醒起，就過左黎食啦。睇menu見到有刺身壽司外，仲有韓式煎餅、炸雞，都幾fuision喎。因為我地比晚飯時間早到，餐廳唔算多人，幾清靜，坐得舒服。我地叫左少少野當食下午茶😋▫️刺身5款 (每款2片) $188中吞拿魚、真鯛、油甘魚、赤蝦、左口魚裙邊刺身每片都肥美厚切，幾新鮮，有魚鮮味。中吞同油甘魚比較好食。左口魚裙邊都係灸燒會好食啲，但仍然有油脂香。真鯛就有啲筋位。赤蝦正常。▫️韓國甜辣炸雞 $88新鮮熱辣炸起，雞肉好嫩滑同大舊，略嫌甜辣醬唔夠多汁，辣味唔足。▫️雞心串 $23 幾爽口▫️雞肝串 $28 好少見到有，醬汁幾好食，落左檸檬汁都有少少腥，可接受既。服務上店員都好alert枱面情況會主動斟茶，呢到係提供玄米茶既。呢到裝修簡約幾舒服，有梳化座，枱都夠大既唔會感逼夾。