韓日屋燒烤放題 (Closed)

放工同同事落旺角行下街同食野，原本一心一意食韓燒既，但係又咁岩整走左隻智慧齒，唯有食下刺身同壽司唔太需要咀嚼既野。刺身刺身種類都有十幾款，點左幾款比較熱門的，三文魚質素十分高，油脂同埋肉質都十分幼滑。甜蝦同埋帶子都十分鮮甜，肉質細嫩入口即溶，雖然鯛魚魚味唔太夠，但其他刺身質素十分高。整體黎講都十分值得食。醬油蝦第一次食醬油蝦，問左店員係用泰國鮮蝦做成，感覺有點像醬蟹。蝦由醬油醃制後整蝦都充滿醬油味。蝦的肉質十分CREAMY，食落口都黏口，感覺都幾特別。壽司雖然是放題的壽司，但是水準都十分高，試左曼魚，黑松露帶子都十分好味，壽司軟硬適中，還有醋味也調理得剛剛好，入口跟曼魚及帶子都配合。