富山居 (Under Renovation)

今日踩單車經過大埔發現呢間隱世好味嘅日食餐廳🤤門口望入去見到都多人食，心諗應該都唔錯！於是同朋友入去中場休息一下，食下好嘢🥳餐廳其實提供好多款唔同類型嘅食物，我哋今次揀咗啲輕食類例如串燒同刺身，相當唔錯！❤️串燒拼盤，有齊雞翼，蘆筍牛肉串，京蔥雞，雞軟骨同冬菇😋唔係講笑，每款串燒都各有特色，師傅亦唔會燒得太乾，每款入口都仲係有汁，係juicy嘅👍🏻❤️ 帶子，三文魚腩、甜蝦同吞拿魚刺身，呢度啲刺身又係可以大贊，真係樣樣新鮮！解凍解得非常之好，仲有嗰陣鮮味🤭帶子厚腍，三文魚腩肥美，甜蝦又甜又滑，吞拿魚無筋！最後嚟多支清酒🍶，好滿足！