Video
Read full review
2014-08-04
3423 views
刻骨銘心的劣星期日來個brunch 從來都是一個好選擇，最後決定選擇了到Opera house這裡有頭盤，肉食，pasta, pizza同甜品任食，$298一位，加多$130就有無限酒任你飲。先食頭盤，有大量cold cut，質數不佳，視覺上係肉，口感都係肉，但偏偏沒有肉味。食左小小mozzarella,味道對板，不錯不錯。頭盤吧尚有少量沙律菜以供選擇，眼見不太吸引，轉戰肉食。肉食係慘不忍睹，所有肉陳屍一個架上，肉質也十分老。黎之前係壹週刊見過佢地既宣傳，睇到佢地西班牙乳豬好正，所以一心黎試，雖然我唔明白點解一間意大利廳會走去整西班牙乳豬，但見賣相禁吸引，所以決定一試。（附壹週plus cap圖）去到只係有肉碎，說好的豬已經唔存在我耐心等候個多小時，佢只係出左一隻豬，無錯，係一隻禁多，全場幾十個客人，你出一隻豬？有一個外藉廚師周圍比人影相，影完先拎去分。我不清楚意大利餐廳煮西班牙乳豬是否有獨特既煮食技巧，我只係見到乳豬燶到黑，廚師重好開心周圍拎住比客人影相。等佢做完巡迴展影終於可以拎去分啦，此時等分豬既人龍真係長到你唔信，我相信有好多人同我一樣未食乳豬。作為等配給的客人，我用我最大的耐
星期日來個brunch 從來都是一個好選擇，最後決定選擇了到Opera house
這裡有頭盤，肉食，pasta, pizza同甜品任食，$298一位，加多$130就有無限酒任你飲。
先食頭盤，有大量cold cut，質數不佳，視覺上係肉，口感都係肉，但偏偏沒有肉味。
食左小小mozzarella,味道對板，不錯不錯。
頭盤吧尚有少量沙律菜以供選擇，眼見不太吸引，轉戰肉食。肉食係慘不忍睹，所有肉陳屍一個架上，肉質也十分老。
黎之前係壹週刊見過佢地既宣傳，睇到佢地西班牙乳豬好正，所以一心黎試，雖然我唔明白點解一間意大利廳會走去整西班牙乳豬，但見賣相禁吸引，所以決定一試。（附壹週plus cap圖）
去到只係有肉碎，說好的豬已經唔存在
我耐心等候個多小時，佢只係出左一隻豬，無錯，係一隻禁多，全場幾十個客人，你出一隻豬？有一個外藉廚師周圍比人影相，影完先拎去分。
我不清楚意大利餐廳煮西班牙乳豬是否有獨特既煮食技巧，我只係見到乳豬燶到黑，廚師重好開心周圍拎住比客人影相。等佢做完巡迴展影終於可以拎去分啦，此時等分豬既人龍真係長到你唔信，我相信有好多人同我一樣未食乳豬。
作為等配給的客人，我用我最大的耐性等，真係重慘過食澳牛。
最後排到，夾上黎既又係肉碎。但今次我好好彩分到小小皮。我拎返位食，食完一啖肉唉左一聲，心諗「點解可以禁難食嫁，定我唔識食咋」，我之後要食皮，我今次「唉」得重大聲，焦黑的，又韌又苦，此刻我感悟了，我認我又傻又天真，先會信條片。
肉食更外有魚同魷魚鬚，魚好老，魷魚鬚不錯。
之後食左d配菜，薯仔同燒蔬菜，薯仔係當日餐廳最好食既野。
另外種有pizza risotto 等味道合格。
另外還有甜品，有tart,gelato今餐係我人生食自助餐食得最少野既一餐，因為無咩岩我胃口。
Post
