雁來居潮州飯店

Open Now

Now Closed

雁來居前身係於同一條街隔幾個鋪嘅新泉發，點要搬鋪諗返起都有洋蔥。話說舊鋪開咗好耐裝修用具都老舊晒，人稱阿叔(老闆)於是投放資金進行全鋪裝修，不過之後做咗大約兩年多到，因為業主易手咁就被迫要搬鋪真係唔好彩。搬鋪代表又要用上唔少時間資金去裝修，不過都好彩佢可以搵返同一條街開過間。 食開新泉發當然會繼續幫襯阿叔，鐘意喱度個鹵水味(其實都幾重味精)，不過勝在唔會太甜同埋唔會美極味，所以耐不耐都返嚟食吓 坐低飲返枝獅威，叫咗鵝件食瘦，師傅會比背脊位我哋，可以啜吓骨送下酒慢慢傾下偈 今次再叫多一鍋蠔仔粥，份量夠配料足加埋胡椒粉正，兩個人食到飽飽