神山麺屋 (創紀之城五期(apm))

Open Now

Now Closed

就黎咗附近嘅神山食。因為沾麵同拉麵都想食，所以就叫哂兩種share食。黑叉燒拉麵開頭以為係黑蒜油味，但唔太食得出，感覺係少少紫菜湯味，叉燒太瘦太薄唔推薦，溏心蛋正常。總括而言係份量唔太夠好食嘅拉麵。但唔會想食第二次。豚角沾麵比想像中好食，啲麵因為比較特別所以可以沾好多汁，雖然啲汁都熱到出煙但可能啲麵唔夠熱，食落去都係差啲，但啲汁有啲蛋味都幾好食嘅。豚角望落好肥，實際食落岩岩好，比叉燒好食好多，夠冧夠味。不過份量都少。相比拉麵會推薦沾麵，相比叉燒會推薦豚肉。但份量少，價錢都唔平，所以一般般。