Video
Read full review
2010-07-19
23 views
上年同一眾友好幫襯過佐敦分店, 滿意非常!!...最近知集團開發到尖沙咀新地標I-Square…即刻招集原班人馬再度同歡暢啊!!!...舖位於23樓全層…地方寬敞, 陳設簡潔大方…佔盡地利優勢以全線落地玻璃窗設計…飽覽對岸靚靚o既維港景色…步入已覺豁然開朗…雖然哩個星期五o既晚上打著一號風球下著細雨, 但並無打壞我地o既心情…雨點灑落窗前又有另一種安寧平靜o既感覺唷!!座位舒適, 光線柔和…沿邊亦設有一排廂座, 同樣可欣賞維港景致…首先坐下, 服務員o既懇切有禮態度已值一讚…面前o既餐前小吃有甘香可口o既鹽脆花生 + 炸魚仔!!八款火鍋混醬亦已齊備供自由配搭…包括XO醬、蔥花、蒜茸、炸蒜抹、日本青芥末、紅椒粒、沙嗲醬同辣醬…服務員推介o既自家製酸梅湯…一瓶足夠斟滿5個標準玻璃杯…味道確怡人!!...火鍋湯底選擇多…但大家一致認為打邊爐用太多料複雜o既湯底都係無無謂的…從簡選了最實際o既馬蹄皮蛋芫茜清湯就足夠已…火鍋配料方面就揀左…水餃皇 – 我愛水餃更甚於雲吞, 上回冇緣試到哩個一直耿耿於懷啊哈!!...所以今次指明誓必要食o架...!!...事實証明係叫好叫座的!!...一份8件,
舖位於23樓全層…地方寬敞, 陳設簡潔大方…佔盡地利優勢以全線落地玻璃窗設計…飽覽對岸靚靚o既維港景色…步入已覺豁然開朗…雖然哩個星期五o既晚上打著一號風球下著細雨, 但並無打壞我地o既心情…雨點灑落窗前又有另一種安寧平靜o既感覺唷!!
座位舒適, 光線柔和…沿邊亦設有一排廂座, 同樣可欣賞維港景致…首先坐下, 服務員o既懇切有禮態度已值一讚…面前o既餐前小吃有甘香可口o既鹽脆花生 + 炸魚仔!!八款火鍋混醬亦已齊備供自由配搭…包括XO醬、蔥花、蒜茸、炸蒜抹、日本青芥末、紅椒粒、沙嗲醬同辣醬…
服務員推介o既自家製酸梅湯…一瓶足夠斟滿5個標準玻璃杯…味道確怡人!!...火鍋湯底選擇多…但大家一致認為打邊爐用太多料複雜o既湯底都係無無謂的…從簡選了最實際o既馬蹄皮蛋芫茜清湯就足夠已…
火鍋配料方面就揀左…
水餃皇 – 我愛水餃更甚於雲吞, 上回冇緣試到哩個一直耿耿於懷啊哈!!...所以今次指明誓必要食o架...!!...事實証明係叫好叫座的!!...一份8件, 裏頭隻蝦大大隻, 超級爽又彈牙!!...一致讚賞!!!...好好味!!
桂花蚌 – 色澤新鮮, 份量足, 既鮮且甜夠爽脆!!...
墨魚滑 – 賣相白白滑o既墨魚滑上放左一匙橙色蟹籽, 好吸引!!...肉質不失爽滑彈牙, 可惜係墨魚本身吾係濃味食物, 內面混入太多重味o既芫茜, 被佢搶晒風頭o羅!!
蝦滑 – 賣相跟墨魚滑一樣, 不過蝦滑本身就浧淡淡灰色的...食味較墨魚滑出色…
手切雪花牛肉片(細) – 讚!! 雪花分佈均勻...質地細嫩無渣, 夠肉香!!...本身未算係”牛魔王”o既我亦忍吾住一路食一路讚啊!!...
新鮮野蔬籃 – 好似插左盆花上檯咁, 未食眼睛都享受左先!!...棵棵青蔥翠綠谷谷脹, 新鮮到好似剛摘落o黎咁…包括有梘菜、娃娃菜、生菜、金菇同秀珍菇!!
黑豚 – 薄薄o既一片, 肉質脆嫩, 吾駛調味都食得過!!...同樣值得一讚!!!
魚三角 – 即係大魚腮位塊骨連腩位…哩個夠新鮮就足矣!!
炸腐皮卷 – 跟甜酸醬一道, 可即食!!... 炸腐皮本身味淡只會啖到重重o既油味…提議都係放湯中小灼一回為妙, 最佳時刻係打到下半場先落鍋, 吸收湯中精華, 簡單o既一卷腐皮都變上品呢!!
餐後附送生果甜品 (西瓜+紫米布丁)…西瓜清甜, 雪凍D更可口…布丁屬清怡小甜!!
茶芥連加一服務小費共銀HK$1,032.xx…滿足!!
Post
