Video
Read full review
2008-02-24
7 views
尋日去完呢間爛鬼餐廳食dinner，食完一肚氣，諗住o黎呢度寫臭佢，警惕大家咪貼錢買難受，點知原來呢間o野本身已劣評如潮，唉，真失敗。尋晚同女朋友行銅鑼灣，本來諗住食吉列專門店，但由於太多人，唔想等位，所以決定去金百利睇o下有乜好食。o係樓下俾佢o的傳單吸引jor上去，about$60-90一個set，好似幾抵咁.......惡夢就由呢刻開始。搭lift gei時候，發現每層gei食肆都好多人等位，點知上到去，呢間o野冇人等位不特止，仲要勁多吉tables任你坐，裝修普通......心裡有o的不祥感，但既然上jor去，就試o下la。一坐低，有個肥佬waiter問我地要乜，態度尚可，我地要jor"大蝦拼免翁牛排"+"香煎銀鱈魚拼豬肉眼排"+兩隻"芝士焗蠔"，又問我地"牛排要幾成熟?"，我地就答"7成la"。餐湯本人覺得一般但未至於差，蒜蓉包脆但極薄，刀功可謂一流。前菜係"芝士薯茸焗田螺"，係用隻咖啡碟載住兩小隻冇殼田螺，下面有一小pat薯茸，成碟都凍gei，食落係酸gei，明顯係擺jor好耐，翻叮時間又不夠。主菜出場，大蝦拼免翁牛排，用隻長條型茶餐廳feel瓦碟載住，"大蝦"兩隻，大約有
尋晚同女朋友行銅鑼灣，本來諗住食吉列專門店，但由於太多人，唔想等位，所以決定去金百利睇o下有乜好食。o係樓下俾佢o的傳單吸引jor上去，about$60-90一個set，好似幾抵咁.......惡夢就由呢刻開始。
搭lift gei時候，發現每層gei食肆都好多人等位，點知上到去，呢間o野冇人等位不特止，仲要勁多吉tables任你坐，裝修普通......心裡有o的不祥感，但既然上jor去，就試o下la。
一坐低，有個肥佬waiter問我地要乜，態度尚可，我地要jor"大蝦拼免翁牛排"+"香煎銀鱈魚拼豬肉眼排"+兩隻"芝士焗蠔"，又問我地"牛排要幾成熟?"，我地就答"7成la"。
餐湯本人覺得一般但未至於差，蒜蓉包脆但極薄，刀功可謂一流。
前菜係"芝士薯茸焗田螺"，係用隻咖啡碟載住兩小隻冇殼田螺，下面有一小pat薯茸，成碟都凍gei，食落係酸gei，明顯係擺jor好耐，翻叮時間又不夠。
主菜出場，大蝦拼免翁牛排，用隻長條型茶餐廳feel瓦碟載住，"大蝦"兩隻，大約有一隻食指咁大，仲要係炸到過晒火，頭都變晒透明。"牛排"係連茶餐廳o的黑椒牛排飯都不如gei薄牛排，只有0.5cm，最搞笑係之前仲要問我地要幾成熟，一塊咁薄gei排點分幾成熟呢???成塊o野被炸到全熟，又乾又鞋，食jor一啖就放棄。
之後係香煎銀鱈魚拼豬肉眼排，賣相同之前一致，銀鱈魚係堅gei，但得一小塊，仲要散開成三小舊，會唔會核突jor o的呢?唔明點解佢地夠膽拎出o黎俾客食。賣相暫且不提，鱈魚得個咸字，肉又唔滑，塊豬排again茶餐廳都不如，望落去白色一塊，未食都已經知道勁鞋，我都有試一啖，結果當然係同我所諗gei一樣la，佢地夠膽死叫呢塊o野做豬肉眼排。
到個芝士蠔，唉，真係唔想講，舊肉得我隻手指公塊指甲咁大，細都唔緊要，仲要水汪汪，冇味道同埋唔熱。
結果，我地連餐飲都冇嗌就走jor，埋單$156大元。臨走都不忘同佢地o的侍應反映意見，但換來gei並唔係誠懇道歉，而係一副呆滯gei面容發出"哦"的一聲。
最衰我地嬲得滯走得太快唔記得影相，如果唔係一定影低證據同大家分享。
最後落番4樓食花園餐廳食，叫jor兩個餐again，size合理又好味，埋單都只係$12x，兩餐夾埋夠我地食一餐吉列專門店，真係後悔。
咁gei餐廳都唔使執，香港經濟似乎真係好好。
Post