San Babila

Open Now

Now Closed

6 course $368，一路食每一道菜，都覺得水準有番咁上下，有心經營，可以再encore。惟有到差不多食完之後同職員傾開偈，先知道原來廚師係文華酒店嘅退休大廚。老闆有能力請到好廚師返嚟，但係可能宣傳唔算太多，餐廳唔算full，可能係有待被啟德人新蒲崗人發現嘅滄海遺珠？柚子焗蠔的柚子和蠔好夾，又大隻。Parma ham 正正常常。南瓜忌廉湯真係啖啖南瓜蓉，還可以。香煎大蝦係令我哋surprise咗嘅，新鮮又大隻，有如千幾蚊一餐、日本鐵板燒既質素。香煎比目魚忌廉汁也處理得不錯，肉質鮮嫩，賣相也吸引。甜品係法國焦糖燉蛋或Movenpick雪糕。餐廳環境幾有異國風情，橙紅色嘅牆身有一種亢奮好chill嘅感覺😆除咗食六道菜，都有散叫的選擇。lunch Menu 大概$100，打算下次試吓，如果真係同今次晚餐水準一樣，咁就真係幾值得食。