Video
Read full review
2022-06-13
86 views
今次推介嘅呢一間餐廳非常值得bookmark定，到想食好西嘅時候到訪😽一直以黎小編揀餐廳嘅時候都好怕嗰啲貴價唔飽，大部份錢比落環境，嘢食華而不實嘅餐廳🤫而呢一間餐廳正好相反，環境樸實雅緻，專注於食物出品，每一分錢都係食物嘅質素同廚師嘅誠意中反映出嚟🥹晚市只有兩個套餐 - 五道菜($780pp) 或者十道菜（$1380pp)，當晚小編就試咗十道菜嘅餐牌，價錢聽落唔算便宜，但享用完之後就會發現真係誠意十足，赤心相待客人，係呢個價錢上比到最好嘅食物質素💕—《Dinner Menu》$1380/位 ⭐⭐⭐⭐⭐️▫️ Tuna第一道前菜係香脆即炸既春卷皮包裹住吞拿魚他他，兩側再蘸上紫菜粉，加上柚子胡椒調味，份量精緻卻極花心思，令人超期待之後既每一道菜😎▫️ Uni第二道前菜用上鮮甜既北海道海膽，加上清新嘅青檸皮屑，放置於六面都烘烤均勻，極其香脆既Brioche💗廚師告知係參考雞蛋仔抖涼既做法，保持其香脆度，上軟下脆好有驚喜🥰▫️ Shi-ma ebi依道菜廚師將犒蝦放上昆布醃漬，令昆布鮮味滲入蝦身，蝦頭以天婦羅方式油炸，搭配兩種沖繩特產：海蘊同海葡萄🦐▫️Oyster北海道生蠔肉身肥厚， 口感creamy
晚市只有兩個套餐 - 五道菜($780pp) 或者十道菜（$1380pp)，當晚小編就試咗十道菜嘅餐牌，價錢聽落唔算便宜，但享用完之後就會發現真係誠意十足，赤心相待客人，係呢個價錢上比到最好嘅食物質素💕
—
《Dinner Menu》$1380/位 ⭐⭐⭐⭐⭐️
▫️ Tuna
第一道前菜係香脆即炸既春卷皮包裹住吞拿魚他他，兩側再蘸上紫菜粉，加上柚子胡椒調味，份量精緻卻極花心思，令人超期待之後既每一道菜😎
▫️ Uni
第二道前菜用上鮮甜既北海道海膽，加上清新嘅青檸皮屑，放置於六面都烘烤均勻，極其香脆既Brioche💗廚師告知係參考雞蛋仔抖涼既做法，保持其香脆度，上軟下脆好有驚喜🥰
▫️ Shi-ma ebi
依道菜廚師將犒蝦放上昆布醃漬，令昆布鮮味滲入蝦身，蝦頭以天婦羅方式油炸，搭配兩種沖繩特產：海蘊同海葡萄🦐
▫️Oyster
北海道生蠔肉身肥厚， 口感creamy，帶有甜味🦪配上青汁同生蠔既海水味非常搭配，整個感覺非常輕盈清新🌱
▫️ Pasta
Al Dente既天使麵，撈入白松露油，再毫不吝嗇加上一大匙魚子醬，簡單直接既配搭，令咸香風味沾滿每一條天使麵，亦令廚師不需要添加一顆食鹽都已足夠入味👍🏼
▫️ Chawamushi
蒸得剛好既滑蛋表面放上花蟹肉同山茶菇，賣相吸引，食前再倒入清雞湯，鮮味十足🥚
▫️ Amadai
甘鯛係眾多高級日本料理見到嘅一樣食材，立鱗燒嘅烹煮方法令魚鱗好似綻放的花一樣立起，蘸上香濃既清酒白奶油醬，肉嫩味濃🫦
▫️ Pigeon
廚師建議嘅Medium Rare乳鴿，肉質鮮嫩到驚艷🕊乳鴿胸入口軟腍，乳鴿髀熟度較高，囗感煙韌，搭配既紅莓醬減低膩感，而配菜用上日本嘅舞茸菇烤焗出其草本香味💯
▫️ Chicken (+$340)
法式焗雞係高級法國餐廳嘅經典菜式，動輒近千元嘅雞喺呢度可以加$340，將乳鴿升級為烤雞🐔餐廳用上本地三黃雞，焗前要先將雞風乾一日令外皮更脆身💥金黃嘅烤雞旁放上一大束香草，真係令人垂涎三尺🥹廚師即席將雞肉分好，配上用雞湯煮好既三文魚籽珍珠米飯，最後淋上用上乘白酒調製既醬汁，是為整晚既高潮🌋
▫️ Apple Tart Tatin with Homemade Ice-cream
甜品嘅蘋果批出乎意料地並無肉桂，太合小編口味😽批底香脆並滿牛油香，配自家製濃郁嘅雲呢拿雪糕，冰火交加，再飽都食得落‼️
▫️Seasonal Fruit
最後以時令水果-赤肉蜜瓜為當晚嘅晚餐完美作結🍈整個晚餐猶如完成一道旅程，滿足感爆棚🌏
Post
