Video
Read full review
2023-04-22
95 views
黃埔最近新開咗一間京川滬餐廳，就係黃埔站B出口，奇趣天地附近嗰條必嘉街入面。門面同裝修好新簇、光鮮、企理，細心既友人仲發現餐廳既冷氣係用靚牌子，仲加左風扇，加強空氣流通，環境不錯。👍雖然新開，但見佢客人絡繹不絕。服務都殷勤，一坐低就有兩杯熱茶，其後都會不斷主動添茶。望下個menu,個價錢都相宜，於是都點左好多野食，樣樣試下。☺️🤤蟹粉小籠包$58（4隻）🌟🌟🌟🌟🌟店員大推要試呢度嘅招牌小籠包，於是叫左個蟹粉小籠包試下。果然正！！！本身對呢間小店冇太高嘅期望，（sor呀我有眼不識泰山😜）但誰不知，佢能夠做得到個小籠包皮超級薄！皮薄到成個小籠包好精瑩剔透！完全望到入面嘅湯。皮薄得黎，又唔會黐底！夾得到起上嚟，又hold得住d湯唔會爆！而且個頂唔會好厚！（ 其他地方有啲一係皮好厚，一係痴底一夾起就會爛，又有啲會出茅招搵錫紙兜裝住，所以呢度真係真功夫整得靚呀個小籠包！） 一咬會爆汁 ，蟹肉嘅份量唔會好孤寒，食到蟹肉嘅鮮味。小籠包大大大推必試！👍👍👍由於小籠包水準實在係高！忍唔住主動問下，原來呢間新鋪既老闆，亦係師傅，係香港第一代鼎泰豐嘅師傅！😳唔怪得之個小籠包非一般高質素啦！鼎泰豐無人唔知係咩掛
就係黃埔站B出口，奇趣天地附近嗰條必嘉街入面。
門面同裝修好新簇、光鮮、企理，
細心既友人仲發現餐廳既冷氣係用靚牌子，
仲加左風扇，加強空氣流通，
環境不錯。👍
雖然新開，
但見佢客人絡繹不絕。
服務都殷勤，
一坐低就有兩杯熱茶，
其後都會不斷主動添茶。
望下個menu,
個價錢都相宜，
於是都點左好多野食，
樣樣試下。☺️🤤
蟹粉小籠包$58（4隻）🌟🌟🌟🌟🌟
店員大推要試呢度嘅招牌小籠包，
於是叫左個蟹粉小籠包試下。
果然正！！！
本身對呢間小店冇太高嘅期望，
（sor呀我有眼不識泰山😜）
但誰不知，
佢能夠做得到個小籠包皮超級薄！
皮薄到成個小籠包好精瑩剔透！
完全望到入面嘅湯。
蟹粉小籠包
6 views
0 likes
0 comments
皮薄得黎，又唔會黐底！
夾得到起上嚟，又hold得住d湯唔會爆！
而且個頂唔會好厚！
（ 其他地方有啲一係皮好厚，
一係痴底一夾起就會爛，
又有啲會出茅招搵錫紙兜裝住，
所以呢度真係真功夫整得靚呀個小籠包！）
一咬會爆汁 ，
蟹肉嘅份量唔會好孤寒，
食到蟹肉嘅鮮味。
小籠包大大大推必試！👍👍👍
由於小籠包水準實在係高！
忍唔住主動問下，
原來呢間新鋪既老闆，亦係師傅，
係香港第一代鼎泰豐嘅師傅！😳
唔怪得之個小籠包非一般高質素啦！
鼎泰豐無人唔知係咩掛？
係享譽世界的米芝蓮級台灣小籠包專賣店。
早係2001年，以特許經營、加盟方式首次在當年既黃埔蔡瀾美食坊，進軍香港。（尖沙咀新港既鼎泰豐係後來在2008年既直營店）。
而師傅就係當年係蔡瀾美食坊既鼎泰豐師傅！
咁多年既功夫，難怪呢度小籠包堅掂！
以佢水準，
絕對可以成為香港必食小籠包top list之一！
點匠水煮魚$198🌟🌟🌟🌟🌟
一上枱有點驚喜！🤩🤩
好大盤！！
面頭有辣椒又有菊花瓣，
又紅又黃點綴，
賣相好靚！
成個presentation感覺壯觀好得睇！
用既係黑魚（一般整水煮魚會用既魚），
但佢呢度整得真係超級超級滑！
魚肉鮮甜嫩滑，唔腥。👍👍👍
配菜仲有豆卜、黑木耳、酸菜、西芹、芫茜、芽菜、萵筍絲，
食食下仲發現原來下面仲收埋咗啲薯粉麵😆
真係好豐富！
酸菜湯都好好味呀，
成個湯都會令人想飲曬佢😋
辣度上就唔算好辣，
食得好舒服，
一碟2個人食得晒。
酸菜魚
8 views
0 likes
0 comments
點匠擔擔麵$50
見係呢度嘅招牌，又試試。
用嘅係幼面，有肉燥，
湯底好濃嘅花生醬同埋白芝麻香味，
花生醬、白芝麻嘅香氣零舍香！
兩者都平衡得恰到好處👍
流心心太軟$58蚊（四件）
最後食埋甜品😋
原來呢個係流心奶黃，
外皮香甜鬆軟，
都好味呀！
📝總評：
估唔到呢間貌似街坊小店臥虎藏龍，
小籠包係真功夫高質素，
完全做到皮薄、餡靚、汁多！
（真心同好多所謂全港必食小籠包名店有得fight!）
強烈誠意大推必試！！
絕對有料成為香港必食小籠包top list之一！
師傅老闆都好有心，
門口寫左篇詩，
原來係師傅老闆既心聲，
其中一篇：
“ 以熱誠之態，待貴客之悅。
美味酬賓，佳餚留客！”
好有職人工匠之心！
感受到老闆既熱情真誠。💖
推介！絕對會翻啅！👍👍👍
Post
