Video
Read full review
2006-08-03
21 views
咁日睇蘋果日報時，發現入面有個廣告話只要剪低今日蘋果個報頭就可以去褔苑或者金都食晚飯就可以免費食條海斑喎！因為我好鍾意食魚所以就一支箭咁約埋老婆去試！有五間分店，我就揀旺角銀行中心對面bodyshop樓上間，上到去個靚女公關就問我有冇買蘋果日報，我梗係第一時間話有啦！咁帶我地埋位坐喇！2至4位係送清蒸游水老虎斑一條。咁我問駛唔駛話食滿幾錢又或者有其他額外收費先有得送咖？要你有兩位或以上於晚市8:30前入坐就可以咖喇，並冇其他特別限制，可以淨係食條魚，唔叫其他食，埋單兩個人都只係須要俾茶錢同加一服務費！嘩！有冇攪錯！咁大隻蛤蜊！真係要向老板致敬，咁樣刺激銷費，唔該呀"煲呔曾"學啦！.....對唔住，一時激動，話說回頭：我身為一個有公德心香港人，梗係唔會咁衰淨係食條魚就算啦！橫掂都係出食飯，又未試過呢間酒家，咪叫返兩個小炒囉，...當我睇緊食咩時間就有位阿姐走埋我老婆身邊介紹A話今日出個豆腐小菜系列喎，又話我老婆皮膚咁滑梗係食得豆腐多喇！不如就試呢個...唔記得咩名喇，不過我地最後都揀個葡國海鮮焗黑豆腐，再叫多個梅菜蒸一字骨，.....(唔講咁多廢話喇)條魚都有約一斤左右啦，都幾新鮮，肯定
服務：殷勤有禮，但人手不足，舉到手
都軟！
食物：味道幾好，但略為慢！(一字骨
唔夠熱)
價錢：以上2小菜(連埋條魚)，白飯2，
茶&加一，都係$150左右。
抵抵抵抵抵(五個抵)
p.s.:埋單時個公關同我講：呇a送魚送到8月31日....
下次叫多幾個朋友，因為五位以上送大青斑....
(心諗梗係老虎斑好食啦！)
不過真係要同呇悛O行個五體投地禮，送魚送成個
月，唉!!!.....香港飲食業真係咁難做？.....唉!
"煲呔曾"....檢討啦！(對唔住，我太多口)
有機會再同大家分享啦！bye bye!!
Post