探花 (Closed)

今日黎到銅鑼灣順便去探花食飯，探花係一間結合左創意同傳統中菜於一身既餐廳，都幾有名架。青森蘋果叉燒酥入面係青森蘋果碎同叉燒，蘋果好清甜，外面層皮用左菠菜上色，咬落好酥脆。西班牙紅蝦餃蝦餃外面用左紅菜頭上色，入面既蝦好彈牙，隔離既湯都係精華，有蝦香味，味道好濃郁。煙燻京蔥牛牛肉好滑，煮得岩岩好，味道特出，調味調得好惹味。牛肉下面係京蔥，入口爽口又多汁。海鮮泡飯個湯真係成個飯既精華，用左好多櫻花蝦同蝦仁碎，成個湯都好香蝦味。個泡飯吸收曬成個湯既精華，真係好好味。整體黎講，餐廳既點心整得好有心思，賣相又吸引，創新之餘又有傳統風味。